10:10, 21 - قىركۇيەك 2015 | GMT +6
باۋكەسپەلەر 25 توننا ەت ارتىلعان جۇك ماشيناسىن ايداپ كەتتى
استانا. قازاقپارات - پەتەربورداعى اينالما جولدا 17 قىركۇيەكتە كەشكى ساعات توعىز جارىم شاماسىندا 25 توننا ەت ارتىلعان جۇك ماشيناسىن ايداپ كەتتى.
«فونتانكا. رۋ» پورتالىنىڭ حابارلاۋىنشا، پۋلكوۆسكوە شوسسەسىندە تەحنيكالىق سەبەپتەرمەن توقتاپ تۇرعان فۋرگوننىڭ جۇرگىزۋشىنە بەلگىسىز بىرەۋلەر شابۋىل جاساعان. قاراقشىلار ونى دەرەۋ بايلاپ، كابيناعا تاستاعان دا ماشيناعا وتىرىپ بەلگىسىز جاققا ىزدەرىن سۋىتقان.
ارادا بىرنەشە ساعات وتكەننەن كەيىن بوس كولىك پەن اياق-قولى بايلانعان جۇرگىزۋشى لومونوسوۆ اۋدانى اۋماعىندا تابىلدى.
ماسكەۋ اۋداندىق قىلمىستى ىزدەۋ ءبولىمىنىڭ ينسپەكتورلارى باۋكەسپەلەردى ىزدەستىرىپ جاتىر.