10:10, 05 - ماۋسىم 2015 | GMT +6
اسپانعا مەملەكەتتىك رامىزدەر بەينەلەنگەن 250 شار ۇشىرىلدى - فوتو
اقتاۋ. قازاقپارات - اقتاۋ قالاسىندا مەملەكەتتىك رامىزدەر كۇنىنىڭ قۇرمەتىنە ءبىرقاتار شارالار ۇيىمداستىرىلدى. ولاردىڭ اراسىندا 15 گەلەندۆاگەننىڭ قاتىسۋىمەن وتكەن كولىك شەرۋى، مەملەكەتتىك رامىزدەردى ءبىلۋ بايقاۋى، مەملەكەتتىك رامىزدەر تۋرالى اقپارات جازىلعان 1 مىڭ بۋكلەتتى تاراتۋ شارالارى بولدى.
«اكسياعا بەلسەندى جاستار: «جاس وتان» جاستار قاناتىنىڭ مۇشەلەرى، وبلىستىق جانە اقتاۋ قالالىق قور ورتالىقتارىنىڭ ەرىكتىلەرى مەن قىزمەتكەرلەرى، بارلىعى 60 قا جۋىق ادام قاتىسقان. اۋەلى كولىك شەرۋى ءوتتى. جاعالاۋداعى «ۆيكتوريا» قوناقۇيىنەن باستالعان ول قالانىڭ باس كوشەلەرىمەن ءجۇرىپ ءوتتى. ودان كەيىن جاعالاۋدا مەملەكەتتىك رامىزدەردى، ولاردىڭ اۆتورلارىن ءبىلۋ ۆيكتوريناسى وتكىزىلدى. جەڭىمپازدارعا ءتۇرلى سىيلىقتار: بەيسبولكالار، قالامساپتار مەن كىتاپتار تابىستالدى»، - دەپ باياندادى ماڭعىستاۋ وبلىستىق قور ورتالىعى ديرەكتورىنىڭ م. ا. ەرعالي انەسوۆ.
مەرەكەنىڭ سوڭىندا قازاقستاننىڭ، سونداي- اق ءانۇران مەن ەلتاڭبا بەينەلەنگەن 250 كوگىلدىر شار ۇشىرىلدى.