مۇحيت دەڭگەيى سوڭعى 25 جىلدا 8 سانتيمەترگە كوتەرىلدى
زەرتتەۋ ناتيجەلەرىنە قاراعاندا، مۇحيت دەڭگەيى ءار جىلى 3,1 ميلليمەتر جىلدامدىقپەن كوبەيگەنىن كورسەتكەن. سونىمەن بىرگە، جىلدامدىق ءار جىلى 0,1 ميلليمەترگە ارتىپ وتىرعان. بۇل كورسەتكىش جەر شارى اۋاسىنىڭ جىلىپ بارا جاتقانىنىڭ ايقىن دالەلى. زەرتتەۋ ناتيجەلەرى TOPEX/Poseidon ميسسياسى، «ارگو» وكەانوگرافيك جوباسى، GRACE گراۆيمەتريالى جاساندى جەر سەرىگىنەن الىنعان سۋرەتتەردىڭ نەگىزىندە جاسالعان.
الەمدەگى مۇحيتتار كليماتتىڭ جاھاندىق وزگەرۋدەگى نەگىزگى كورسەتكىشتەرىنىڭ ءبىرى. قالعان پارامەترلەر - مۇحيتتىڭ تەمپەراتۋراسى جانە جىلۋدى ءسىڭىرۋ، پارنيكتىك گازداردىڭ مولشەرى، مۇحيتتاردىڭ قىشقىلدىعى، مۇزدىقتار جانە تەڭىز كەلەسى ورىنداردا. مىڭداعان شاقىرىمدى الىپ جاتقان مۇحيتتىڭ 7 سانتيمەترگە كوبەيۋى وزگەرىسسىز سياقتى كورىنۋى مۇمكىن. ءبىراق، مۇحيت دەڭگەيىنەن بىرنەشە سانتيمەتر بيىكتە ورنالاسقان ەلدىمەكەندەر ءۇشىن بۇل اپاتتى جاعداي. مىسالى، تىنىق مۇحيتىنداعى كورال ارالدارى. قازىرگى ۋاقىتتا ارالداردا ادامدار ءومىر سۇرەدى جانە بۇل ماسەلە ولار ءۇشىن وتە ماڭىزدى. ايتا كەتسەك، وسىعان دەيىن ادامزات الداعى 17 جىل ىشىندە جەر بەتىندەگى اۋا رايىنا دەگەن كوزقاراسىن وزگەرتپەسە، جەر اتموسفەراسىنداعى وزگەرىستەردى توقتاتا الماي، اۋانىڭ ورتاشا تەمپەراتۋراسى + 2 گرادۋستان اسىپ كەتۋىنىڭ الدىن الۋ مۇمكىن ەمەستىگى تۋرالى جازعان ەدىك.
Massaget.kz
