بەيجىڭدە قازاقستان تاۋەلسىزدىگىنىڭ 25 جىلدىعىنا وراي وتكىزىلگەن شاراعا 600 ادام قاتىستى - فوتو
ءىس-شاراعا 600 دەن استام ادام قاتىستى. ولاردىڭ قاتارىندا حالىقتىق ساياسي كونسۋلتاتيۆتىك كەڭەستىڭ بۇكىل قىتايلىق كوميتەتى ءتوراعاسىنىڭ ورىنباسارى ۆان چجەنۆەي، ق ح ر سىرتقى ىستەر ءمينيسترىنىڭ كومەكشىسى لي حۋەيلاي، شانشي پروۆينتسياسى گۋبەرناتورىنىڭ ورىنباسارى تسزيان فەن، ورتالىق اسكەري كەڭەستىڭ، س ءى م، ق ح ر كوممەرتسيا مينيسترلىگىنىڭ، حالىقارالىق ۇيىمداردىڭ، ديپلوماتيالىق كورپۋستىڭ (ديپلوماتيچەسكيح پرەدستاۆيتەلستۆ رەسەي، ۋكراينا، قىرعىزستان، تاجىكستان، وزبەكستان، ارمەنيا، ازەربايجان، مولدوۆا، گەرمانيا، لاتۆيا، پاكىستان، تۇركيا، برۋنەيا، ساۋد ارابياسى، اۋعانستان، بولگاريا جانە باسقا دە ەلدەردىڭ ديپلوماتيالىق وكىلدىكتەرىنىڭ جەتەكشىلەرى)، بيزنەستىڭ، ساراپشىلىق قاۋىمداستىعىنىڭ، قىتايداعى قازاق دياسپوراسىنىڭ، ب ا ق- تىڭ وكىلدەرى سونداي-اق قىتايدا تۇراتىن قازاقستاندىق ازاماتتار (ۇلتتىق كومپانيا قىزمەتكەرلەرى، ستۋدەنتتەر، شاڭحاي، شيان، ءۇرىمجى جانە باسقا دا قالالاردىڭ تۇرعىندارى) بار.
قازاقستان ءانۇرانى شىرقالعان سوڭ ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆتىڭ العى سوزىنەن كەيىن حالىقتىق ساياسي كونسۋلتاتيۆتىك كەڭەستىڭ بۇكىل قىتايلىق كوميتەتى ءتوراعاسىنىڭ ورىنباسارى ۆان چجەنۆەي جينالعان قاۋىمدى قۇتتىقتادى.
«قازاقستان - بۇل اۋقىمدى الەۋەتكە جانە كەڭ دامۋ مۇمكىنشىلىكتەرىنە يە ەل. تاۋەلسىزدىكتىڭ 25 جىلدىعىندا قازاقستان ەكونوميكالىق ورلەۋدى جۇزەگە اسىردى. قازىرگى ۋاقىتتا قازاقستاننىڭ وركەندەۋى جانە قالىپتاسۋى ءۇشىن «نۇرلى جول» باعدارلاماسىن جۇزەگە اسىرۋدا جانە «قازاقستاندىق ارمانعا» بەت الدى»، - دەدى ول بارشا قازاقستاندىقتاردى تاۋەلسىزدىكتىڭ 25 جىلدىعىمەن قۇتتىقتاي وتىرىپ.
ق ح ر- داعى ق ر ەلشىسى شاحرات نۇرىشيەۆ سالتاناتتى جاعدايدا قىتايدىڭ حالىقارالىق ماسەلەلەر جونىندەگى كەڭەسىنىڭ ءتوراعاسى، ق ر- داعى تۇڭعىش ق ح ر ەلشىسى (1992-1993-جىلدارى)، ش ى ۇ تۇڭعىش باس حاتشىسى چجان دەگۋانعا «قازاقستان رەسپۋبليكاسىنىڭ تاۋەلسىزدىگىنىڭ 25 جىلدىعى» مەرەيتويلىق مەدالىن تابىس ەتتى.
بۇدان كەيىن شاحرات نۇرىشيەۆ پەن ۆان چجەنۆەي «Made in Kazakhstan» كورمەسىندە قويىلعان قازاقستاندىق ازىق-تۇلىك جانە اۋىل شارۋاشىلىعى ونىمدەرىمەن تانىستى (ەت، بالىق، بال، ءسۇت، ماكارون جانە كونديتەرلىك ونىمدەر، ۇن، وسىمدىك مايى جانە باسقالارى).
كورمەدە قازاقستاننىڭ 11 وڭىرىنەن 25 كومپانيا ءونىمى ۇسىنىلدى. مەرەكەلىك كەشتە «سازگەن سازى» فولكلورلىق-ەتنوگرافيالىق ءانسامبلى، «تۇران» ەتنو-فولكلورلىق ءانسامبلى، «ديونيس» شوۋ-بالەتى، «IL Canto» كۆارتەتى، وپەرا ءانشىسى، حالىقارالىق بايقاۋلاردىڭ لاۋرەاتى بەرەكە ەڭكەبايەۆا، انشىلەر راسۋل جارماعامبەتوۆ، بولات قاناعاتوۆ، فارحات كوبيەۆ، ءلايلا باقىتنۇر قىزى جانە اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ جەتەكشىسى ءسوليسى دۋلات توقانوۆتار ونەر كورسەتتى.
