چيليدە ورمان ورتەنىپ جاتىر، 24 ادام قازا تاپتى
مىڭداعان ءورت ءسوندىرۋشى ەلدىڭ وڭتۇستىگىن شارپىعان ءورتتى سوندىرۋمەن اينالىسىپ جاتىر، دەپ حابارلايدى قازاقپارات BBC News اگەنتتىگىنە سىلتەمە جاساپ.
چيليدە ورماننىڭ جانىپ جاتقانىنا ءبىر اپتادان استى، 24 ادام قازا تاپتى. ءورت سالدارىنان مىڭداعان ادام باسپاناسىز قالدى.
وسى اپتانىڭ قالعان كۇندەرىندە اۋا تەمپەراتۋراسى وتە جوعارى بولادى دەگەن بولجام بار. سونىڭ سالدارىنان چيليدىڭ وزگە دە ايماقتارىندا ءورت تۇتىنۋى مۇمكىن دەگەن قاۋىپ بار.
ەلدىڭ ىشكى ىستەر مينيسترلىگىنىڭ ورىنباسارى مانۋەل مونسالۆەنىڭ مالىمدەۋىنشە، ەل ايماقتارىندا اۋا تەمپەراتۋراسى 37 گرادۋستان اسۋى مۇمكىن بولعاندىقتان، بارلىق ءورت ءسوندىرۋ بريگادالارى توتەنشە جاعدايعا دايىن وتىر.
سيۋبلە، ماۋلە، بيوبيو جانە اۋراكانيا ايماقتارىندا 300 مىڭ گەكتارعا جۋىق اۋماق ورتەندى. ورتتەن شىققان ءتۇتىن سەيسەنبى كۇنى ەل استاناسى سانتياگونى وراپ الدى.
300 دەن استام جالىن وشاعىن سوندىرۋگە 5 مىڭنان استام قۇتقارۋشى كۇش سالۋدا.
ا ق ش چيليگە كومەكتەسۋ ءۇشىن 36 مىڭ ليتر سۋ تاسىمالداۋعا قابىلەتتى DC-10 اۋە تانكەرىن جىبەردى. ارگەنتينا، مەكسيكا جانە يسپانيا دا ورتپەن كۇرەسۋ ءۇشىن ارنايى دايىندالعان قۇتقارۋشىلاردى جونەلتتى.