07:53, 02 - اقپان 2023 | GMT +6
رەسەيگە پياز اپارا جاتقان 24 كولىك شەكارادان قايتارىلدى
استانا. قازاقپارات – ب ق و شەكاراسىندا رەسەيگە پياز الىپ وتپەك بولعان 24 كولىك انىقتالدى، دەپ حابارلايدى قازاقپارات اۋىل شارۋاشىلىعى مينيسترلىگىنە سىلتەمە جاساپ.
«باتىس قازاقستان وبلىسىنداعى «سىرىم» وتكىزۋ پۋنكتىنە كەلگەن ا ش م اگروونەركاسىپتىك كەشەندەگى مەملەكەتتىك ينسپەكسيا كوميتەتى ءتوراعاسىنىڭ م. ا. ءتيىستى تۇسىنىكتەمە بەردى. كاسىپكەرلەر بۇل ماسەلەگە قاتىستى وڭ جاۋاپ بەردى. ناتيجەسىندە پياز تيەلگەن 24 اۆتوكولىك تۇركىستان وبلىسىنا ورالدى. قازىر «سىرىم» وتكىزۋ بەكەتىندەگى جاعداي تۇراقتاندىرىلدى»، - دەلىنگەن مينيسترلىك حابارلاماسىندا.
ايتا كەتسەك، 28-قاڭتاردا قازاقستاندا پيازدى ەل اۋماعىنان اكەتۋگە ءۇش ايعا تىيىم سالىندى. بۇل ءۇشىنشى ەلدەردىڭ وتاندىق كوكونىستەرگە دەگەن سۇرانىسىنا بايلانىستى تۋىندادى. سونداي-اق ق ر پرەمەر-ءمينيسترىنىڭ ورىنباسارى سەرىك جۇمانعارين ەلىمىزدەگى پياز شەكتەۋلەرىنە قاتىستى تۇسىنىك بەردى.