ۇلتتىق قوعامدىق سەنىم كەڭەسى «حابار 24» جۋرناليسىنىڭ وقيعاسىن نازاردان تىس قالدىرماۋعا شاقىردى
پرەزيدەنتتىڭ جانىنداعى ۇلتتىق قوعامدىق سەنىم كەڭەسى وتىرىسىندا قانات ساحاريانوۆ كەڭەستىڭ كەلەسى وتىرىستارىنىڭ كۇن تارتىبىنە ب ا ق-تى دامىتۋ بويىنشا ماسەلەلەر بلوگىن ەنگىزۋدى ۇسىندى. ونىڭ ايتۋىنشا، قازاقستاندا ساپالى زاڭدار بار، ءبىراق ولاردىڭ ورىندالۋى اقساپ تۇر، سوندىقتان جەرگىلىكتى شەنەۋنىكتەر جۋرناليستەرگە وسىلاي جاسايدى.
«جۋرناليست قانداي دا ءبىر اكىمنەن پىكىر العىسى كەلسە، حالىققا ەسەپ بەرۋدەن قاشپاڭىز. ءبىراق ولار ءتىلشىنى كوشەگە شىعارىپ تاستايدى. مۇنى قالاي ايتۋ كەرەك ەكەنىن دە بىلمەيمىن. ماسقارا! ءيا! مەن ارىپتەستەرىممەن كەڭەسىپ، قازاقستاندىق مەديا اليانستىڭ اتىنان، تەلەۆيزيالار قاۋىمداستىعىنىڭ اتىنان، سىزدەن وسىعان نازار اۋدارىپ، رەاكسيا بەرۋىڭىزدى سۇرايمىز»، - دەدى ق ر پرەزيدەنتتىڭ جانىنداعى ۇلتتىق قوعامدىق سەنىم كەڭەسىنىڭ مۇشەسى قانات ساحاريانوۆ.
ايتا كەتەيىك، «حابار 24» جۋرناليسى الماتىدا اكىمدىك عيماراتىنان كۇشتەپ شىعارىلعانى حابارلانعان بولاتىن. وقيعانىڭ ۆيدەوسىن ءتىلشى Facebook-پاراقشاسىندا جاريالادى. بۇل جاعداي بۇكىل ب ا ق وكىلدەرى مەن ەل نازارىن اۋدارتتى. كەيىنىرەك الماتى قالاسى الاتاۋ اۋدانى اكىمدىگى جاعدايعا تۇسىنىك بەردى.
سونداي-اق، اقپارات جانە قوعامدىق دامۋ ءمينيسترى ايدا بالايەۆا وقيعاعا قاتىستى Facebook-پاراقشاسىندا جازبا جاريالادى. ول الاتاۋ وبلىسى اكىمدىگىندەگى كۇزەت قىزمەتكەرىنىڭ ارەكەتى زاڭسىز ەكەنىن جازدى.