جىل سوڭىنا دەيىن 24 جوعارى وقۋ ورنى تەكسەرىلەدى - ايماعامبەتوۆ

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«ديپلوم باسىپ شىعاراتىن ۋنيۆەرسيتەتتەر قاتاڭ شارالار قولدانۋ تۋرالى مەملەكەت باسشىسىنىڭ تاپسىرماسى بار. ءبىز وسى تاپسىرمانىڭ اياسىندا قازىردىڭ وزىندە 5 جوعارى وقۋ ورنىن ازايتتىق. وندا 35 مىڭ ستۋدەنت ءبىلىم العان. 23 جوعارى وقۋ ورنى 56 باعىت بويىنشا ليتسەنزياسىن قايتاردى»، - دەدى مينيستر ۇكىمەت ۇيىندە وتكەن باسپا ءسوز ءماسليحاتىندا.

ونىڭ اتاپ وتۋىنشە، بۇل جۇمىستار الداعى ۋاقىتتا دا جالعاسىن تابادى.

«جىل سوڭىنا دەيىن 24 جوعارى وقۋ ورنىن تەكسەرىپ، ءتيىستى شارا قولدانامىز. تالاپتاردى كۇشەيتتىك. تەكسەرىس جۇرگىزىلىپ جاتىر»، - دەدى اسحات ايماعامبەتوۆ.

سونىمەن قاتار ول مەملەكەت باسشىسى تاراپىنان عىلىم سالاسىنا دا قاتىستى ماڭىزدى تاپسىرمالار بولعانىن ايتتى.

«ايتالىق، عىلىمي- تەحنولوگيالىق دامىتۋ بويىنشا ارنايى باعدارلامالىق قۇجات قابىلداۋ كوپتەن بەرى عالىمدارىمىزدىڭ كوكەيىندە جۇرگەن ماسەلەنىڭ ءبىرى بولاتىن. بۇل ماسەلە دە شەشىمىن تابادى. ونى بارلىق ساراپشىلارمەن، عالىمدارمەن بىرلەسىپ شەشەتىن بولامىز. 500 عالىمعا تاعلىمدامادان وتۋگە مۇمكىندىك جاساپ، 1 مىڭ جاس عالىمعا زەرتتەۋ جۇرگىزۋگە گرانتتار بەرەمىز»، - دەدى ول.

اۆتور: مارلان جيەمباي