سەن قازاقستانعا باعىنعىڭ كەلمەسە، 24 ساعاتتىڭ ىشىندە كوزىمە كورىنبەي جوعال! - جۇمابەك تاشەنەۆ
***
وتكەن عاسىر حالقىمىز ءۇشىن ۇلى ناۋبەت پەن زوبالاڭدار (پاتشا ۇكىمەتىنىڭ 1916 -جىلعى ۇلت- ازاتتىق كوتەرىلىسىن باسىپ- جانشۋى، بولشيەۆيكتەردىڭ رەپرەسسيالىق ماشيناسىنىڭ قىزمەتى، تۇتاس حالىقتىڭ دەپورتاتسياعا ۇشىراۋى، جاپپاي اشارشىلىق جانە ت. ب. ) جانە سول حالىقتىڭ باسىنا تۋعان قارالى كۇندەردە «ەلىم» دەپ ەڭىرەپ، حالقى ءۇشىن تۋعان ەرلەرگە تولى بولدى. ولاردىڭ اراسىندا ەرەكشە ورىن الار تۇلعا جۇماباي شاياحمەتوۆتىڭ شاكىرتى بولعان - جۇمابەك تاشەنەۆتىڭ الار ورنى ەرەكشە. ۇستازى دا، شاكىرتى دە تاريحتا ونەگەلى ىستەرىمەن تانىلعان ەدى.
ۇستازى تىڭ يگەرۋ ناۋقانىنا قارسىلىق ءبىلدىرىپ، لاۋازىمدى قىزمەتىنەن الاستىلىپ، شىمكەنتكە جىبەرىلسە، ەكىنشىسى - قازاقستاننىڭ سولتۇستىك وبلىستارىنىڭ رەسەي فەداراتسياسىنا قوسىلۋىنا قارسىلىق بىلدىرگەنى ءۇشىن قىزمەتىنەن بوساتىلىپ، شىمكەنتكە «جەر اۋدارىلدى». جۇمابەك تاشەنيەۆ 1915 -جىلى 2 - ناۋرىزدا اقمولا وبلىسى، ارشالى اۋدانى، باباتاي اۋىلىندا (تانا اۋىلدىڭ كەڭەسى) دۇنيەگە كەلگەن. بۇگىنگى اقمولا وبلىسى، ۆيشنيەۆكا اۋدانى، قويگەلدى اۋىلى.
1928-1933 -جىلدار ارالىعىندا باباتاي شارۋا جاستار مەكتەبىندە ءبىلىم العان. 1947-1948 -جىلدارى قازاق ك س ر و ك جانىنداعى جوعارى پارتيا مەكتەبىنىڭ پارتيا جانە كەڭەس جۇمىسشىلارى باسشىلارىن قايتا دايارلاۋ كۋرسىنان وتەدى. 1955 -جىلى سىرتتاي جوعارى پارتيا مەكتەبىن ءتامامدايدى. ال 1962 -جىلى ماسكەۋدە كانديداتتىق ديسسەرتاتسياسىن قورعاپ، ەكونوميكا عىلىمدارىنىڭ كانديداتى عىلىمي دارەجەسىن الادى.
سولتۇستىك قازاقستان جانە اقتوبە وبلىستارىنداعى پارتيالىق جانە مەملەكەتتىك ورگاندارداعى قىزمەتىندە ءوزىن جاقسى قىرىنان كورسەتە بىلگەن. 1955-1960 -جىلدار ارالىعىندا قازاق ك س ر جوعارى كەڭەسى ءتورالقاسىنىڭ ءتوراعاسى قىزمەتىن اتقارعان. 1960-1961 -جىلدارى قازاق ك س ر مينيسترلەر كەڭەسىنىڭ ءتوراعاسى بولىپ تاعايىندالىپ، كەيىن «جۇمىسىن دۇرىس اتقارا المادى» دەگەن جەلەۋمەن قىزمەتىنەن بوساتىلعان. سوندىقتان دا 1961 -جىلدان باستاپ شىمكەنت وبلىستىق اتقارۋ كوميتەتى ءتوراعاسىنىڭ ورىنباسارى بولىپ قىزمەت اتقارعان. پارتيالىق جانە اكىمشىلىك جازاعا تارتىلماعان، سوت پەن تەرگەۋ امالدارى جۇرگىزىلمەگەن.
جۇمابەك تاشەن ۇلى بيلىك باسىندا بولعاندا، ەكونوميكالىق كورسەتكىشتەر ەداۋىر جاقساردى: ەلەكتر قۋاتىن ءوندىرۋ 2 ەسە، مۇناي ءوندىرۋ - 1,6 ەسە، كومىر - 2، سەمەنت ءوندىرۋ - 15 ەسە، اياق كيىم ءوندىرۋ - 4، ەت ءوندىرۋ - 2 ەسەگە ت. ب. ۇلعايعان.
جۇمابەك تاشەنەۆتىڭ ەرلىگى
بۇل ادام - ۆوليۋنتاريست ن. حرۋشيەۆتىڭ سىلتەۋىمەن قازاقستاننىڭ سولتۇستىك وبلىستارىن الدىمەن وداقتىق باسقارماعا، سوڭىنان رەسەي فەداراتسياسىنىڭ قۇرامىنا ەنگىزۋ تۋرالى ارەكەتىنە تويتارىس بەرىپ ەرلىك جاساعان ۇلى تۇلعا! جەر مەن ەل ءۇشىن كۇرەسكەن ۇلى تۇلعا تاشەنيەۆ رەسپۋبليكانىڭ ساياسي، ەكونوميكالىق، مادەني دامۋىنا باسشىلىق جاساعان جىلدارى قازاق مەملەكەتىنىڭ اۋماقتىق تۇتاستىعىنىڭ ساقتالۋىنا كوپ ەڭبەك ءسىڭىردى. مۇنداي قادام تەك ەرجۇرەك، باتىل، ءوز ەلىن شەكسىز سۇيەتىن ادامنىڭ عانا قولىنان كەلەتىن.
1960 -جىلى 26 - جەلتوقساندا تىڭ ولكەسىنىڭ قۇرىلۋى تۋرالى جارلىق شىقتى. 1961 -جىلى 20 - ناۋرىزدا قازاق ك س ر جوعارى كەڭەسى ءتورالقاسىنىڭ قاۋلىسىمەن اقمولا سەلينوگراد قالاسى بولىپ وزگەرتىلدى. 1961 -جىلعى 24 - ساۋىردە قۇرامىندا 14 اۋداننىڭ ورتالىعى سەلينوگراد قالاسى بولىپ سەلينوگراد وبلىسى قۇرىلدى.
بۇل ورايدا، ءتيىمدى پايدالانباق بولعان ن. س. حرۋشيەۆ 1961 -جىلى قازاقستاننىڭ 5 وبلىسىن كورشى رەسەي فەدەراتسياسىنىڭ قۇرامىنا قوسپاقشى بولدى. وڭتۇستىك قازاقستاننىڭ ءبىر بولىگىن وزبەكستانعا، ماڭعىستاۋ وبلىسىنىڭ ءبىر بولىگىن - تۇركمەنستانعا قوسۋدى جوسپارلادى. بۇل ارەكەتكە قاتاڭ تۇردە توسقاۋىل قويعان جۇماباي احمەت ۇلى تاشەنەۆ بولاتىن. ول قايتپاس تاباندىلىقپەن ك س ر و باسشىسى نيكيتا حرۋشيەۆقا بىلاي دەپ مالىمدەدى:
«ەگەردە ك س ر و جوعارى كەڭەسى جەرگىلىكتى بيلىكتىڭ كەلىسىمىنسىز وداقتاس رەسپۋبليكالارعا جەرىمىزدى بەرگەن جاعدايدا، ك س ر و كونستيتۋتسياسىنىڭ ارەكەتىن توقتاتاتۋ كەرەك. وندا ءاربىر رەسپۋبليكانىڭ تاريحي اۋماعى ونىڭ بۇلجىماس مەنشىگى دەپ انىقتالعان. جانە بىردە ءبىر وداقتىق ۇيىم بۇل ەرەجەنى بۇزا المايدى. ەگەر كونستيتۋتسيانىڭ بۇل تالابى ورەسكەل بۇزىلاتىن بولسا، ءبىز حالىقارالىق قۇقىقتىق ۇيىمداردىڭ ارالاسۋىن سۇراۋعا حاقىمىز بار!»، - دەگەن.
تۋرا وسىنداي قاتاڭ تويتارىستى تىڭ ولكەلىك پارتيا كوميتەتىنىڭ ءبىرىنشى حاتشىسى ت. سوكولوۆقا دا بەرەدى: «ەگەردە سەن قازاقستانعا باعىنعىڭ كەلمەسە، 24 ساعاتتىڭ ىشىندە كوزىمە كورىنبەي جوعال! تىڭ ولكەسى رەسەيدىڭ قۇرامىنا ەشقاشان كىرمەيدى! وسىلاي دەپ ءوزىڭنىڭ باسشىڭا جەتكىز!»، - دەيدى. جۇمابەك تاشەنەۆ «ءوزىڭنىڭ باسشىڭ» دەپ، ماسكەۋلىك بۇكىل وداقتىق باسشى ن. س. حرۋشيەۆتى مەڭزەپ تۇرعان بولاتىن.
ال قازاقستان كومپارتياسىنىڭ و ك بيۋروسىندا بارلىعى ەستيتىندەي قاتقىل داۋىسپەن: «مەن اقمولادا تۋىپ- ءوستىم. بۇل جەردە اكە- شەشەمنىڭ، اتا- بابالارىمنىڭ زيراتى جاتىر. سىزدەر بۇل جەردى رەسەيگە بەرىپ جىبەرمەكسىزدەر مە!؟ مۇندايمەن ەشبىر قازاق كەلىسپەيدى؟! جولداستار ويلانىڭىزدار! مەن وسىنداي ماسەلەنى شەشۋ تۇگىلى، كوتەرۋدىڭ وزىنە قارسىمىن...»، - دەگەن.
سول ۋاقىتتاعى وبكوم حاتشىلارى - سەلينوگراد وبلىستىق كوميتەتىنىڭ ءبىرىنشى حاتشىسى ت. سوكولوۆ، قوستاناي - ا. بورودين، كوكشەتاۋ - ا. ترەشيەۆ، سولتۇستىك قازاقستان - ن. بورزوۆ، پاۆلودار - س. ەلاگين ورتالىقتىڭ ۆوليۋنتاريستىك شەشىمىمەن ىشتەي كەلىسىپ وتىرعاندىقتان، ۇنسىزدىك تانىتتى. تەك قانا ءوز جەرى مەن ەلىنىڭ ناعىز ۇلتجاندى ازاماتى جۇمابەك تاشەنيەۆ ءۇزىلدى- كەسىلدى قارسىلىق ءبىلدىردى.
جۇمابەك تاشەنيەۆتىڭ دالەلدى دە، قاتاڭ تۇردەگى سوزىنە ن. حرۋشيەۆ ناقتى جاۋاپ بەرە المادى. ءبىراق، رەنىشىن ىشىنە بۇگىپ قالدى. وتىرىس اياقتالعان سوڭ، باتىردىڭ يىعىنان قاققان دىنمۇحامەت قونايەۆ: «ءاي، جۇمەكە، ناعىز باتىرسىڭ عوي، ارىستانداي اتىلدىڭ»، - دەپ قايران قالىپتى. سول مەزەتتە جاۋاپ قايتارعان ول: «مەن ءوز جەرىم مەن حالقىم ءۇشىن قانداي بولسا دا سىناققا دايىنمىن»، - دەيدى.
جۇمابەك تاشەنەۆ ءوزىنىڭ ءمانسابى تومەندەپ قالعاندا، «مەن حالقىمنىڭ جەرىن ەشقانداي ءمانساپقا ايىرباستامايمىن!» دەگەن ءسوزىن زامانداستارى تاستاماي ايتىپ وتىرادى...
ءدال وسى كۇنى ونىڭ تۇلعالىق قاسيەتىن ەرەكشەلەيتىن تاعى ءبىر جاعداي ورىن الادى: ن. حرۋشيەۆتىڭ ءبىرىنشى كومەكشىسى ا. شيەۆچەنكو جۇمابەك تاشەنيەۆتىڭ ۇشاعىن رۇقساتسىز الىپ، دەمالۋ ءۇشىن قىرىمعا ۇشىپ كەتەدى. بۇل جايلى ەستىگەن ج. تاشەنيەۆ ۇشقىشقا راتسيامەن ۇشاقتى بۇرىپ، كەرى قايتۋىن تالاپ ەتكەن. سەلينوگرادتىڭ اۋەجايىنا كەلىپ قونعان ا. شيەۆچەنكو كەشىرىم سۇراپ، باتىردىڭ الدىندا باس يۋگە از- اق قالعان. كرەمل باسشىسىنا دا كەرەگى وسى بولاتىن. بۇل جاعداي ماسەلەنىڭ تىعىرىققا تىرەلگەن ءتۇيىندى جەرى بولدى.
ج. تاشەنيەۆتىڭ شىمكەنتكە قۇرمەتپەن «جەر اۋدارىلۋى»
ءوز قول استىنداعى باعىنىشتى ادامنان وسىنشالىق تويتارىس كۇتپەگەن ن. حرۋشيەۆ ءبىر ايدان سوڭ، جۇمابەك تاشەنيەۆتى جوعارى لاۋازىمنان الىپ، بۇرىننان قالىپتاسىپ قالعان ءۇردىس بويىنشا، سولتۇستىك وڭىردەن وڭتۇستىككە «جەر اۋدارىپ»، وڭتۇستىك قازاقستان وبلىستىق اتقارۋ كوميتەتى ءتوراعاسىنىڭ ورىنباسارى قىزمەتىنە جىبەردى. ونىڭ ەسىمى ب ا ق بەتتەرىنە باسىلمادى. بۇرىنعى كينوتاسپالاردان ول تۋرالى كورىنىستەر قيىلىپ، الىپ تاستالىندى. ونى ءىرى رەسپۋبليكالىق جانە وداقتىق شارالارعا شاقىرمادى.
ج. تاشەنيەۆتىڭ بۇل ارەكەتتەرى ناعىز ەرلىككە جاتاتىن. ونىڭ بۇل ەرلىگى ۇلتتىق مۇددەسىن ءوز مۇددەسىنەن جوعارى قويا بىلگەندىگىن دالەلدەيدى. ول جوعارى قىزمەتىنەن ايىرىلدى، ەسەسىنە قازاقستاننىڭ سولتۇستىك ءوڭىرى ماڭگىلىككە قازاق ك س ر قۇرامىندا قالدى.
قازاقستان كومپارتياسىنىڭ ءبىرىنشى حاتشىسى (1962-1964 ج ج. ) ي. يۋسۋپوۆ ءوزىنىڭ ەستەلىكتەرىندە باتىر تۋرالى: «حرۋشيەۆقا ج. تاشەنيەۆتەن باسقا ەشكىم دە قارسى تۇرا الماعان. قازاق حالقى وسىنداي باتىر ۇلدارىن ەشقاشان ۇمىتپاۋى ءتيىس!»، - دەپ سۇيىنە جازدى.
جاڭا قىزمەتتە دە ول بەرىلە جۇمىس جاسادى. ءوزىنىڭ ءىس- ارەكەتى تۋرالى ەشقاشان وكىنىش بىلدىرمەدى. جەرگىلىكتى حالىق ونى ەرەكشە قۇرمەتتەدى. ول دۇنيەدەن وتكەندە، سەلينوگراد وبلىسىنان تۋىستارى مەن جەرلەستەرى سۇيەگىن الىپ كەتۋگە كەلگەن كەزدە: «جۇمابەك تاشەنيەۆ بۇكىل حالىقتىڭ ۇلى سوندىقتان سۇيەگىن بەرمەيمىز»، - دەگەن جەرگىلىكتى حالىقتىڭ قارسىلىعىنا تاپ بولادى.
جۇمابەك تاشەنيەۆتىڭ ازاماتتىق ەرلىگىنەن كەيىن قازاق جەرىن كورشى مەملەكەتتەرگە كۇشپەن تارتىپ بەرۋگە دەگەن ورتالىقتىڭ ارەكەتتەرى ءبىرشاما ۋاقىتقا دەيىن باسىلىپ قالدى. ن. حرۋشيەۆ بيلىكتەن كەتىپ، ورنىنا 1965 -جىلى 19 - قازاندا ل. ي. برەجنيەۆ كەلگەننەن كەيىن، قازاق ك س ر جوعارى كەڭەسىنىڭ پرەزيديۋمى تىڭ ولكەسىن تاراتۋ تۋرالى جارلىعىن شىعاردى. ولكەنى تاراتۋمەن قاتار «سەليننىي كراي»، «تىڭ ولكەسى»، «مولودوي سەليننيك» گازەتتەرى تاراتىلدى. «سەليننىي كراي» گازەتىنىڭ ورنىنا وبلىستىق «سەلينوگرادسكايا پراۆدا»، «تىڭ ولكەسى» گازەتىنىڭ ورنىنا «كوممۋنيزم نۇرى» گازەتتەرى شىعاتىن بولدى.
باتىردىڭ باسقا دا باتىل ارەكەتتەرى
حالىق باتىرىنىڭ باسقا دا جالپى حالىققا ءمالىم يگى ىستەرى ولشەۋسىز بولدى: ول الماتى قالاسىنداعى باستى داڭعىلداردىڭ ءبىرىنىڭ اباي ەسىمىمەن اتالۋى تۋرالى ۇسىنىس كوتەرىپ، وعان ك س ر و باسشىلىعىنىڭ كوزىن جەتكىزە وتىرىپ قول جەتكىزدى. ۇستازى جۇماباي شاياحمەتوۆ باستاپ كەتكەن مەدەۋ مۇزايدىنىنىڭ قۇرىلىسىن اياقتادى. ول ساياسي قۋعىن- سۇرگىن قۇرباندارىن اقتاۋ تۋرالى العاشقى كوميسسيانى باسقاردى. ايتپاقشى، قۋعىن- سۇرگىنگە ۇشىراعانداردىڭ ىستەرىمەن تانىسا وتىرىپ، ولاردىڭ تۋعان جەرىنىڭ ءاربىر سۇيەم جەرىن قالاي قورعاپ، ساقتاپ قالعاندىعىن كوردى. ارينە، ونىڭ ومىرىندەگى وسى ءساتى، قىزمەتىنىڭ ءبىر پاراعى بولعان شاق رەسپۋبليكانىڭ سولتۇستىگىندەگى بايىرعى قازاق جەرىن ساقتاپ قالۋداعى ارەكەتىندە شەشۋشى ءرول اتقارا الدى.
ونىڭ ءتوراعالىق ەتۋىمەن جانە تىكەلەي قاتىسۋىمەن وتكەن كوميسسيا وتىرىستارىندا س. سەيفۋللين، ءى. جانسۇگىروۆ، ب. مايلين جانە تاعى باسقالار اقتالدى. 1958 -جىلى قازاق ونەرى مەن ادەبيەتى ون كۇندىگىن ماسكەۋدە وتكىزۋ تۋرالى باستاما دا كوتەردى. باۋىرجان مومىش ۇلىنىڭ «زا نامي موسكۆا» ەڭبەگىن باستىرۋعا كومەكتەستى. كوپتەگەن قازاق مادەنيەتى مەن ونەر مايتالماندارى ول بيلىك باسىندا تۇرعاندا قالانىڭ قاق ورتاسىنان 120 پاتەرلىك تۇرعىن ۇيدەن پاتەر العان.
م. اۋەزوۆتىڭ «اباي جولى» ەپوپەياسىن لەنين سىيلىعىنا ۇسىنۋعا باستاما كوتەرگەن. ج. تاشەنيەۆتىڭ ارالاسۋىمەن ايگىلى كۇرىششى ى. جاقايەۆ پەن ج. قۋانىشيەۆ ەكىنشى مارتە ەڭبەك ەرى وردەنىن يەلەندى. ب. مومىش ۇلى مەن ر. قوشقاربايەۆقا كەڭەس وداعىعىنىڭ باتىرى اتاعىن بەرۋدە دە بەلسەندىلىك تانىتقان. قازاق ۇلتتىق كادرلارىن مەملەكەتتىك قىزمەتكە قابىلداعان. ماسەلەن، ومبى وبلىسىنان فازىل كارىبجانوۆتى باسشىلىق قىزمەتكە ورنالاستىرۋعا قولداۋ جاساعان. اقىن م. جۇمابايەۆتىڭ جەسىرىنە پاتەر الىپ بەرۋگە كومەكتەسكەن.
جۇمابەك تاشەنيەۆ العاشقىلاردىڭ ءبىرى بولىپ جاپپاي قىرىپ جويۋ قارۋىنىڭ سەمەي يادرولىق پوليگونىندا سىنالۋىنا دا قارسى بولعان. جۇمابەك تاشەنيەۆتى كەڭەس وداعىنىڭ باتىرى س. نۇرماعامبەتوۆ بىلاي دەپ ەسكە الادى: «ول تىك مىنەزدى، ءىس ارەكەتتە باتىل بولاتىن. وزىنە قاتىستى جۇمىستار بولسا، جۇرتتى اۋرە- سارساڭعا سالماي بىردەن شەشەتىن. الدىنا بارعان ادام سۇراعىنا جاۋاپ الىپ، ءوتىنىشىن قاناعاتتاندىرىپ قايتاتىن».
جۇمابەك تاشەنيەۆتىڭ قازاقستان تاريحىندا الار ورنى مەن ءرولى
قازاق حالقى ەلىمىزدىڭ سولتۇستىك جەرلەرىن كورشى ەلدەرگە ءوتىپ كەتۋدەن ساقتاپ قالعان ءوز باتىرىنىڭ ەسىمىن ەشقاشان ۇمىتپايدى. جۇمابەك تاشەنيەۆتىڭ بۇل ءىس- ارەكەتى زامانداستارى مەن ۇرپاقتارىنا جارقىن ۇلگى. ءبىر عانا ادام جۇزدەگەن جانە مىڭداعان ادامنىڭ جاساي المايتىن ارەكەتىن جاساپ، ەرلىك كورسەتتى. سوندىقتان دا، ونىڭ ەرلىك ىسىنەن كەيىن، قازاقستاننىڭ ءانۇرانىنا اينالعان ج. ناجىمەدەنوۆ پەن ش. قالداياقوۆتىڭ «مەنىڭ قازاقستانىم» ءانى تۋعان بولاتىن.
سول تۇستا ج. مولداعاليەۆتىڭ «مەن قازاقپىن» پوەماسى جارىق كورىپ، ەلدىڭ رۋحىن كوتەردى. سول ۋاقىتتا قازاق جازۋشىلارى ءا. كەكىلبايەۆ پەن ءى. ەسەنبەرلين، ە. بەكماحانوۆتان كەيىن جازالاۋعا ۇشىراعان قازاق تاريحىن قايتا جاڭعىرتۋعا العاش قادام جاساعان تاريحي روماندارى جارىق كوردى. ج. تاشەنيەۆتىڭ ەرلىگى 1979 -جىلى ماۋسىمدا قازاقستاندا نەمىس اۆتونومياسىن قۇرۋعا قارسى سەلينوگراد كوشەلەرىندە بولعان شەرۋگە شىعۋعا تۇرتكى بولدى. ونىڭ باتىل قادامى 1986 -جىلعى الماتىدا ورىن العان جەلتوقسان كوتەرىلىسشىلەرىنە رۋح بەردى.
ءوز ەلىنە جاساعان ولشەۋسىز ەڭبەگى ءۇشىن لەنين، ەڭبەك، قىزىل تۋ، «قۇرمەت بەلگىسى» وردەندەرىمەن، ت. ب. ماراپاتتالعان. ونىڭ ەسىمى استانا قالاسىنداعى ءبىر كوشەگە بەرىلدى. مەملەكەت تاريحى ينستيتۋتى ول تۋرالى مونوگرافيا شىعاردى. شىمكەنتتە ونىڭ قۇرمەتىنە ءبىر كوشە اتالىپ، ەسكەرتكىش ورناتىلدى.
حالقىنىڭ باتىر ۇلى جۇمابەك تاشەنيەۆ 1986 -جىلى دۇنيەدەن ءوتتى. جۇبايى ەكەۋى بەس بالانى تاربيەلەپ ءوسىردى. ونىڭ بالالارى، نەمەرەلەرى، شوبەرەلەرى ەلىنىڭ مىقتى ازاماتتارى بولىپ ەر جەتىپ، تاۋەلسىز قازاقستاننىڭ يگىلىگى جولىندا قىزمەت جاساۋدا. وسكەلەڭ جاس ۇرپاق بەيبىت كەزەڭدە حالقى ءۇشىن ەرلىككە بارعان جەرلەستەرىن ماقتان ەتەدى.
بۇگىندە قازاقستان جەر كولەمى جاعىنان 9- ورىندى يەلەنىپ وتىرعانىن، جانە ءبىز تاۋەلسىزدىك جاعدايىندا ءومىر ءسۇرىپ وتىرعانىمىزدى ەسكەرسەك، الدا مۇندا حالقىنىڭ قادىرلى ۇلى جۇمابەك احمەت ۇلى تاشەنيەۆتىڭ قوماقتى ۇلەسى بار. ول قازاق جەرىنىڭ تالان- تاراجعا سالىنىپ كەتپەۋىنە رەسەي مەن باسقا دا رەسپۋبليكالارعا كۇشپەن تاراتىلىپ بەرىلۋىنە بىردەن- ءبىر قارسى تويتارىس بەرگەن قازاقتىڭ ءبىرتۋار ۇلى!
اۆتور: زيابەك قابىلدينوۆ