سينوپتيكتەردىڭ 24- شىلدە كۇنگى اۋا رايى بولجامى
كەي جەرلەردە نايزاعاي ويناپ، جاڭبىر جاۋادى، جەل كۇشەيەدى. وڭتۇستىكتە شاڭدى داۋىل تۇرادى. رەسپۋبليكا بويىنشا جەكەلەگەن جەرلەردە تۇمان، داۋىل كۇتىلەدى، بۇرشاق جاۋۋى مۇمكىن، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، اقمولا، جامبىل وبلىستارىنىڭ كەي جەرلەرىندە داۋىل كۇتىلەدى، جەلدىڭ ەكپىنى 15-20 م/س كۇشەيەدى، بۇرشاق جاۋۋى مۇمكىن. اقمولا وبلىسىندا تۇندە جانە تاڭەرتەڭ تۇمان بولجانادى.
سولتۇستىك قازاقستان وبلىسىندا كەي جەرلەردە جەلدىڭ ەكپىنى 15-20 م/س ارتادى، بۇرشاق بولۋى مۇمكىن.
قاراعاندى، پاۆلودار وبلىستارىنىڭ جەكەلەگەن اۋماقتارىندا بۇرشاق جاۋۋى ىقتيمال. تۇندە جانە تاڭەرتەڭ تۇمان بولادى، جەلدىڭ جىلدامدىعى 15-20 م/س كۇشەيەدى.
شىعىس قازاقستان، ماڭعىستاۋ، قوستاناي، قىزىلوردا، تۇركىستان، كۇندىز اتىراۋ وبلىستارىنىڭ كەي جەرلەرىندە جەل 15-20 م/س ارتادى. قىزىلوردا، تۇركىستان وبلىستارىندا شاڭدى داۋىل تۇرادى.
سونداي-اق اقتوبە وبلىسىنىڭ باسىم بولىگىندە، اتىراۋ، باتىس قازاقستان وبلىستارىنىڭ كەي جەرلەرىندە قاتتى ىستىق بولادى.
بۇدان بولەك، ماڭعىستاۋ، قىزىلوردا، تۇركىستان وبلىستارىندا، اتىراۋ، باتىس قازاقستان، اقتوبە، قوستاناي، جامبىل، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.
