تۇركيا پوليتسياسى ءتورت سودىردان 24 جانكەشتى بەلبەۋىن تاركىلەدى

استانا. قازاقپارات - تۇركيانىڭ وڭتۇستىك-شىعىسىندا ورنالاسقان گازيانتەپ قالاسىنىڭ پوليتسياسى «يسلام مەملەكەتى» تەرروريستىك توبىنىڭ ءتورت سودىرىن ۇستاپ، 150 كەلىلىك جارىلعىش زاتتار مەن جانكەشتىنىڭ 24 بەلبەۋىن تاركىلەدى، دەپ حابارلايدى رەسەيلىك ر ي ا نوۆوستي.

«ي م قۇرامىنداعى سيريادان كەلگەن سودىرلاردىڭ تۇركيا اۋماعىندا الىپ شابۋىل ۇيىمداستىرىپ جاتقاندىعى تۋرالى اقپارات كەلىپ ءتۇستى. وسىعان بايلانىستى ءتورت كۇدىكتى تۇتقىندالدى، ونىڭ بىرەۋىنە ىزدەۋ سالىنعان بولاتىن. ولاردان جانكەشتىنىڭ 24 بەلبەۋى، 150 كەلىلىك جارىلعىش زاتتار، 2 كالاشنيكوۆ اۆتوماتى، جارىلعىش زاتتاردى قاشىقتىقتان باسقاراتىن 19 ۇيالى تەلەفون، بومباعا ارنالعان 21 ساعات تەتىگى، جانكەشتىگە ارنالعان 20 جارعىش، سونداي-اق لاڭكەستىك ارەكەتكە ارنالعان باسقا دا قارۋلار مەن ماتەريالدار تاركىلەندى»، - دەپ حابارلادى اگەنتتىكتىڭ دەرەك كوزى.

«قازىر كۇدىكتىلەردى پروكۋراتۋرا تەكسەرۋدە»، - دەپ اتاپ ءوتتى گازيانتەپ پروۆينتسياسى اكىمشىلىگى باسپا ءسوز قىزمەتىنىڭ وكىلى.