شىمكەنت اۋەجايىندا سومكەگە سالىنعان 24 قارشىعا تابىلدى - فوتو
سارىاعاش شەكارا وتريادىنىڭ «شىمكەنت اۆيا» شەكارالىق باقىلاۋ بولىمىندە «شىمكەنت - دۋباي» باعىتىمەن ۇشاتىن № FDV-738 اۋە رەيسىنە شەكارالىق جانە كەدەندىك باقىلاۋ وتكىزىلىپ بولىپ، جۇك تيەلە باستاعان كەزدە، «بوينگ-737-700» اۋە كەمەسىنىڭ وڭ قاپتالىنا «VIP» جۇرگىنشىلەردى تاسيتىن «تويوتا» اۆتوكولىگى سالىپ- ۇرىپ جەتىپ كەلدى. شاعىن اۆتوبۋستان ەرەكشە «مايپازدالىنىپ» ءتۇسىرىلىپ جاتقان قوس ۇلكەن قارا سومكەلەر شەكارا جاساعىنىڭ نازارىن وزدەرىنە بىردەن اۋداردى.
تەكسەرۋ ناتيجەسىندە بۇل سومكەلەردىڭ ەشقاندايدا شەكارالىق جانە كەدەندىك تەكسەرۋدەن وتكىزىلمەگەندىگى بەلگىلى بولدى. اۆتوبۋس جۇرگىزۋشىسىنىڭ سوزىنە سەنسەك، ول ءوزى جۇرگىزۋشى ورىندىعىنا جايعاسقان كەزدە بۇل سومكەلەردىڭ اۆتوبۋس سالونىندا تۇرعانىن كورگەن. بەلگىسىز بىرەۋلەر سومكەلەردى اتالمىش اۋە كەمەسىنە جەتكىزۋدى تاپسىرعان.
سومكەلەردى اشقان كەزدە ىشىنەن 24 قارشىعا قاتتالىپ تىعىلعاندىعى بەلگىلى بولدى. ءارقايسىسى شامامەن 000 50 دوللاردان كەم تۇرمايتىن وسى قارشىعالاردىڭ دۋبايعا دەيىن ءبىر- ەكەۋى عانا ءتىرى جەتەر ەدى. كونتراباندالىق جۇك وڭتۇستىك قازاقستان وبلىسى بويىنشا م ك د- ءنىڭ ەكونوميكالىق قىلمىستار قىزمەتىنە تەكسەرۋگە بەرىلدى. سومكەلەرگە قاتىسى بار ادامدار ىزدەستىرىلۋدە.