ءار شاقىرىمعا 2400 تەڭگەدەن الىپ وتىرعان - باس پروكۋراتۋرا تەمىرجول كومپانياسىن تەرگەپ جاتىر

استانا. قازاقپارات - باس پروكۋروردىڭ ورىنباسارى جاندوس ومىراليەۆ تەمىرجول تۇيىقتارىنىڭ تاريفى قالاي نەگىزسىز قىمباتتاعانىن ايتتى، دەپ حابارلايدى قازاقپارات ءتىلشىسى.

باس پروكۋراتۋرانىڭ عيماراتىندا بيزنەس وكىلدەرىمەن ءوتىپ جاتقان كەزدەسۋدىڭ كۋلۋارىندا جاندوس ومىراليەۆ 300-دەن استام تەمىرجول تۇيىعىنىڭ مەملەكەت مەنشىگىنە قالاي قايتارىلعانىن ايتتى.

«مونوپوليستەردىڭ وزدەرىنە بەرىلگەن مۇمكىندىكتەردى پايدالانا وتىرىپ، باعا ءوسىرۋ فاكتىلەرى بار. سونىڭ ىشىندە «قازاقستان تەمىرجولى» اياسىندا «ЦТС» اكسيونەرلىك قوعامىنا قاتىستى ءىس بار. ولاردىڭ يەلىگىندە 300-دەن استام تەمىرجول تۇيىعى بولعان. سولار ارقىلى كاسىپكەرلەرگە تىم قىمبات باعا كورسەتىلدى. ارينە، ول كاسىپكەرلەرگە قولايسىز بولدى. تەكسەرۋ بارىسىندا تاريفتى دە تۇسىردىك، اتالعان تەمىرجول تۇيىقتارىنىڭ ءبارىن مەملەكەتكە قايتاردىق. قازىر ولاردىڭ تاريفى 13 ەسە ارزان. ياعني، بۇرىن ءار شاقىرىمعا 2400 تەڭگە بولسا، قازىر 169 تەڭگەگە دەيىن ءتۇسىرىلدى»، - دەدى جاندوس ومىرالييەۆ.

اۆتور

ەسىمجان ناقتىباي