قازگيدرومەت: ءساۋىردىڭ 23 ءى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، ەلىمىزدىڭ وڭتۇستىگىندە مول كولەمدە جاڭبىر جاۋادى، تەك ەلدىڭ سولتۇستىك-باتىسىندا عانا جاۋىن جاۋمايدى. كەي جەرلەردە ءتۇمان ءتۇسىپ، جەل كۇشەيىپ، وڭتۇستىكتە، وڭتۇستىك-باتىستا نايزاعاي ويناپ، بۇرشاق جاۋۋى ىقتيمال.
تۇركىستان وبلىسىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، بۇرشاق جاۋۋى دا ىقتيمال.
جامبىل وبلىسىنىڭ ءبىرقاتار اۋماقتارىندا تۇمان ءتۇسىپ، بۇرشاق جاۋۋى مۇمكىن.
قىزىلوردا، ماڭعىستاۋ وبلىستارىنىڭ كەي جەرلەرىندە كۇندىز جەلدىڭ جىلدامدىعى سەكۋندىنا 15-20 مەترگە جەتەدى. قىزىلوردا وبلىسىندا تۇمان تۇسەدى.
باتىس قازاقستان، قوستاناي، قاراعاندى، شىعىس قازاقستان وبلىستارىنىڭ كەي ايماقتارىندا تۇمان ءتۇسىپ، كۇندىز قاراعاندى وبلىسىنىڭ ءبىرقاتار اۋماقتارىندا جەلدىڭ جىلدامدىعى سەكۋندىنا 15-20 مەترگە جەتەدى.
تۇندە جانە تاڭ اتا الماتى، سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى.