الماتى وبلىسىندا ۇرىلارعا 23 جاستاعى بويجەتكەن باعىت سىلتەپ وتىرعان
«قىلمىستىق توپ ءۇش ادامنان تۇرادى، ارالارىندا 23 جاستاعى بويجەتكەن دە بار. كۇدىكتىلەر جامبىل اۋدانى ۇزىناعاش اۋىلىندا كەزەكتى قىلمىس ۇستىندە قولعا ءتۇستى. ولار ۇيدەن ءۇش قارۋ، التىن بۇيىمدار، باعالى تون مەن ءىرى سومادا اقشا الىپ كەتپەك بولعان» ، - دەلىنگەن باسپا ءسوز بايانىندا.
ءى ءى د مالىمەتىنە قاراعاندا، كۇدىكتىلەر الماتى قالاسى مەن الماتى وبلىسىنىڭ تۇرعىندارى. ال سوڭعى توناۋ ارەكەتتەرىنەن ولاردىڭ كەلتىرگەن زالالى 2 ميلليون تەڭگەنى قۇراعان. قىلمىستىق تەرگەۋ ماتەريالدارىنا زاتتاي ايعاق رەتىندە ۇستالعانداردان تاركىلەنگەن قارۋ مەن قىمبات كيىم الىنىپ وتىر.
بۇدان بولەك، وبلىستىق كريمينالدىق پوليتسيا باسقارماسى ۇرىلار توبىنىڭ وڭىردەگى باسقا دا قىلمىستارعا قاتىسى بارىن جوققا شىعارمايدى. وسىعان بايلانىستى پوليتسيا تاراپىنان كۇدىكتىلەر ارەكەتىنە ۇقساس باسقا دا قىلمىستاردى تەكسەرۋ جالعاسۋدا.
«ۇستالعانداردىڭ ۇشەۋى دە قازىر قاماۋدا. انىقتالعان فاكتىلەر بويىنشا سوتقا دەيىنگى تەرگەۋ ءجۇرىپ جاتىر. ۇستالعان بويجەتكەن ۇرىلار توبىندا قاجەتتى اقپاراتتار تابۋمەن اينالىسىپ، ۇپتەيتىن ۇيلەرگە باعىت بەرۋشى بولىپ وتىرعان. جالپى تەرگەۋ بارىسىندا ۇرىلاردىڭ توبىنداعى ءاربىرىنىڭ اتقارعان ءرولى تەكسەرىلىپ، انىقتالاتىن بولادى» ، - دەلىنگەن باسپا ءسوز بايانىندا.
