بۇدان 23 جىل بۇرىن ولگەن بالانىڭ جۇرەگى كۇنى بۇگىنگە دەيىن سوعىپ تۇرعان
بۇل ساياحات ونىڭ وتباسىنا ورنى تولماس قاسىرەت الىپ كەلگەن. كەشكى سەرۋەننەن قايتىپ كەلە جاتقان گيرندەر وتباسىنا جەرگىلىكتى قىلمىسكەرلەر شابۋىل جاساپ، وق جاۋدىرادى. تۋرا اتىلعان وق نيكولاستى جارالاپ، ول اۋىر حالدە اۋرۋحاناعا جەتكىزىلگەن. دارىگەرلەر ونىڭ ءومىرىن امان ساقتاپ قالۋدىڭ مۇمكىن ەمەستىگىن جەتكىزگەن سوڭ ونىڭ اتا-اناسى ەڭ قيىن شەشىمدى قابىلداپ، ۇلدارىنىڭ ىشكى اعزاسىن مۇقتاج جاندارعا بەرگىلەرى كەلەتىندىگىن ايتادى. سولاي ىستەيدى دە...
قايعىلى قازاعا ۇشىراعان نيكولاس گريننىڭ ايانىشتى تاعدىرى مەن ونىڭ ارقاسىندا قانشاما ادامنىڭ امان قالعانى تۋرالى قاۋەسەت ەل اراسىنا لەزدە تاراپ كەتتى. سول ءبىر قارا تۇننەن كەيىن يتاليادا دونار بولۋعا نيەت بىلدىرۋشىلەردىڭ قاراسى ءۇش ەسەگە دەيىن كوبەيىپ كەتكەن. الەۋمەت تانۋ سالاسىنىڭ ماماندارى مۇنى «نيكولدىڭ اسەرى» دەپ اتاپ كەتتى.
نيكولاستىڭ جۇرەگى اندرە موندجياردو ەسىمدى ازاماتقا بەرىلگەن ەكەن. ول 2017 -جىلعا دەيىن ءومىر سۇرگەن.
بۇگىندە نيكولاس گيرننىڭ ەسىمى يتاليالىقتارمەن قاتار بۇكىل الەمگە جاقسى تانىمال. يتاليانىڭ وزىندە 50 الاڭ مەن كوشە، 27 ساياباق، 27 مەكتەپكە ونىڭ ەسىمى بەرىلگەن. ەلدىڭ ءار وڭىرىندە 16 ەسكەرتكىش بوي كوتەرگەن.