09:42, 11 - مامىر 2017 | GMT +5
تويعا كەلگەن 23 قوناق قازا تاپتى
استانا.قازاقپارات - ءۇندىستاندا ۇيلەنۋ تويى كەزىندە عيماراتتىڭ جارتى ىرگەسى قۇلاپ، 23 ادام اجال قۇشتى. 28 ادام ءتۇرلى دەڭگەيدە جاراقات الدى.
قايعىلى وقيعا كەشكە كەشكىسىن رادجاستاننىڭ بحاراتپۋر اۋدانىندا ورىن العان. توي كەزىندە سالتاناتتى شاراعا ارنالعان عيماراتتىڭ جارتى ىرگەسى وپىرىلىپ كەتكەن.
پوليسەيلەردىڭ ايتۋىنشا، قۇرىلىس نىسانىنىڭ قيراۋىنا شاڭدى داۋىل سەبەپ بولۋى مۇمكىن. ادامدار قيراندىلاردىڭ اراسىندا قالدى. ولاردى ىزدەۋ جۇمىستارىن قولايسىز مەتەوجاعداي سالدارىنان اجىراپ قالعان جارىقتىڭ جوقتىعى كۇردەلەندىرىپ وتىر.
زارداپ شەككەندەر جەرگىلىكتى اۋرۋحاناعا جەتكىزىلدى.
رەسمي مالىمەتكە سايكەس، 23 ادام كوز جۇمعان 11 ەر ادام، 8 ايەل ادام جانە ءتورت بالا.
Baq.kz
