«دارىن» سىيلىعىن الۋعا 237 ءوتىنىم ءتۇستى

نۇر- سۇلتان. قازاقپارات – 10-تامىزدا «دارىن» سىيلىعىنا ىزدەنۋشىلەردىڭ قۇجاتتارىن قابىلداۋ اياقتالدى. كونكۋرسقا 237 ءوتىنىم قابىلداندى (2020 -جىلى - 160 ءوتىنىم)، دەپ حابارلايدى قازاقپارات.

نوميناتسيالار بويىنشا وتىنىمدەر سانى كەلەسىدەي: «عىلىم» - 55، «ەسترادا» - 9، «كلاسسيكالىق مۋزىكا» - 18، «حالىق شىعارماشىلىعى» - 21، «ديزاين جانە بەينەلەۋ ونەرى» - 7، «تەاتر جانە كينو» - 47، «سپورت» - 22، «ادەبيەت» - 18، «جۋرناليستيكا» - 7، «قوعامدىق قىزمەت» - 33.

«دارىن» مەملەكەتتىك جاستار سىيلىعى جەمىستى عىلىمي، شىعارماشىلىق، قوعامدىق قىزمەتى، سونداي- اق جوعارى سپورتتىق جەتىستىكتەرى ءۇشىن تالانتتى جاستاردى قولداۋ ماقساتىندا جىل سايىن بەرىلەدى. سىيلىققا يە بولعان ادامدارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى، ديپلوم، توسبەلگى جانە اقشالاي سىياقى تاپسىرىلادى.

لاۋرەاتتاردى ماراپاتتاۋ ءراسىمى قازاقستان رەسپۋبليكاسىنىڭ تاۋەلسىزدىك كۇنىنە جوسپارلانىپ وتىر. ايتا كەتسەك، 2021 -جىلعى 20-مامىردا قازاقستان رەسپۋبليكاسى اقپارات جانە قوعامدىق دامۋ مينيسترلىگى «دارىن» مەملەكەتتىك جاستار سىيلىعىن الۋعا كونكۋرس جاريالادى. قۇجاتتار 10-تامىزعا دەيىن قابىلداندى.