قوس ازاماتتىعى بار 233 ادام انىقتالدى – ق ر ۇ ق ك شەكارا قىزمەتى

None
استانا. قازاقپارات – ق ر ۇلتتىق قاۋىپسىزدىك كوميتەتى شەكارا قىزمەتىنىڭ جىل باسىنان بەرگى جۇمىس قورىتىندىسىن جاريالادى، دەپ حابارلايدى قازاقپارات.

ق ر ۇ ق ك باسپا ءسوز قىزمەتىنىڭ حابارلاۋىنشا، قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتى مەملەكەتىمىزدىڭ شەكارالىق قاۋىپسىزدىگىن قامتاماسىز ەتۋ جۇمىستارىن جالعاستىرۋدا.

2023 -جىل باسىنان بەرى شەتەلدىكتەر (ينديا، نيگەريا، تاجىكستان، وزبەكستان جانە رەسەي ازاماتتارى) مەن ق ر ازاماتتارىنىڭ جاساندى جانە وزگە ادامنىڭ قۇجاتتارىن پايدالانۋىنىڭ 150 فاكتىسى اشكەرەلەندى. قوس ازاماتتىعى بار 233 ادام انىقتالدى.

جالپى سوماسى 2,5 ميلليارد قۇرايتىن 300 دەن استام زاڭسىز ۆاليۋتا اينالىمىنىڭ الدى الىندى.

قارۋ-جاراق پەن وق-دارىلەردى وتكىزبەك بولعان 153 ارەكەتتىڭ جولى كەسىلدى. بۇل قىلمىستار بويىنشا كۇدىكتىلەر ءارى قاراي تەكسەرۋ ءۇشىن ىشكى ىستەر مينيسترلىگى مەن مەملەكەتتىك كىرىستەر دەپارتامەنتى اۋماقتىق بولىمشەلەرىنە تاپسىرىلدى.

«ودان بولەك، ق ر كوشى-قون زاڭنامالارىن بۇزعانى ءۇشىن 8 مىڭنان استام ادام اكىمشىلىك جاۋاپكەرشىلىككە تارتىلدى»، - دەلىنگەن حابارلامادا.


سوڭعى جاڭالىقتار