قاڭتار وقيعاسى: باس پروكۋراتۋرا قازا تاپقان 230 ادامنىڭ دەرەكتەرىن ايتتى
«ەل بويىنشا بارلىعى 230 ادام قازا تاپتى، ونىڭ ىشىندە 19 اسكەري جانە كۇش قۇرىلىمدارى قىزمەتكەرى بار. الماتى قالاسىندا ەڭ كوپ ادام قازا تاپتى، ولاردىڭ سانى - 139 ادام. بۇگىنگى تاڭدا اكىمشىلىك عيماراتتاردىڭ شابۋىلىنا تويتارىس بەرۋ كەزىندە جانە قۇقىق ءتارتىبىن جۇرگىزۋ بارىسىندا 86 شابۋىلداۋشىنىڭ كوزى جويىلعانى انىقتالدى. قايتىس بولعان 53 ادامنىڭ ءولىمىنىڭ ءمان-جايى انىقتالۋدا. ولار قالا اۋماعىندا ءتۇرلى جاراقاتتارمەن، سونىڭ ىشىندە 48 وق جاراقاتىمەن، 2 پىشاق جاراقاتىمەن تابىلدى، 3 ادامنىڭ دەنەسىنەن باسقا كۇيىك جانە باسقا جاراقاتتار انىقتالدى»، - دەدى بەرىك اسىلوۆ «جاڭا قازاقستان» دەپۋتاتتىق توبىنىڭ ساۋالىنا بەرگەن اۋىزشا جاۋابىندا.
سونداي-اق، ول قۇقىق قورعاۋ كۇشتەرى باسقا 7 وڭىردە اكىمشىلىك، پوليتسيا جانە ۇ ق ك دەپارتامەنتى عيماراتتارىن قورعاۋ كەزىندە 63 شابۋىلداۋشىنىڭ كوزىن جويعانىن ايتتى.
«بۇگىنگى تاڭدا ءبىز 20 ازاماتتىڭ اتىسقا كەزدەيسوق تاپ بولىپ، قايتىس بولعانى تۋرالى ناقتى بىلەمىز. ونىڭ 11 ى الماتى قالاسىندا، 8 ى الماتى وبلىسىندا جانە بىرەۋى تاراز قالاسىندا. ولاردىڭ ىشىندە قيراتۋشىلاردىڭ قولىنان قازا تاپقاندار، سونداي-اق بلوك-بەكەتتەردە اسكەري تالاپتارعا باعىنباعاندار دا بار»، - دەدى باس پروكۋرور.
