09:43, 28 - تامىز 2017 | GMT +6
بريتانيا جاعالاۋىندا قۇپيا بۇلتتان 230 ادام زارداپ شەكتى
استانا. قازاقپارات - بريتانيانىڭ شىعىس ساسسەكس گرافتىعىنداعى جاعالاۋدا بەلگىسىز گازى بار بۇلت سالدارىنان كەم دەگەندە 238 ادام مەديتسينالىق كومەككە جۇگىنگەن، دەپ حابارلايدى ت ا س س.
«ادامدار كوزدەرى مەن تاماقتارى شانشىپ اۋىردى دەپ شاعىمدانعان، - دەلىنگەن گرافتىقتىڭ پوليتسياسى تاراتقان حابارلامادا. - ەشكىم اسا قاتتى جاپا شەكپەدى جانە ەشكىم اۋرۋحاناعا جاتقىزىلعان جوق».
پوليتسياعا گاز بۇلتتارى تۋرالى العاشقى حابارلاما جەكسەنبى كۇنى كەشكىسىن بەرلينگ گەپ ەلدى مەكەنىنەن تۇسكەن. تەڭىزدە دەمالىپ جۇرگەن 50 ادام كوزدەرى مەن تاماقتارىنىڭ اۋىرىپ جاتقاندىعىن ايتىپ، شاعىمدانعان. جەدەل قىزمەت جاعالاۋداعى ادامداردى ەۆاكۋاتسيالاپ، جەرگىلىكتى تۇرعىندارعا كوشەگە شىقپاي، ەسىك پەن تەرەزەلەردى جابىق ۇستاۋعا كەڭەس بەرگەن. اتالمىش بۇلتتاردىڭ ۇلى بريتانياعا لا- مانش بۇعازىنان كەلگەندىگى اتالىپ وتىلەدى. ارنايى قىزمەت ونىڭ پايدا بولۋ سەبەبىن انىقتاۋدا.