قازاق كەلىنشەك 23 جاسىندا 6 بالانىڭ اناسى اتانىپ وتىر
6 بالانىڭ اناسى «انا مەن بالا» باعدارلاماسىنا قوناقتا بولدى.
گۇلنۇر 16 جاسىندا تۇرمىسقا شىعىپ، 17 جاسىندا تۇڭعىشىن ومىرگە اكەلگەن. جولداسى الىپ قاشىپ كەتىپ، ەشكىمنىڭ قارسىلىعىنا قاراماي وتباسىلى بولعان.
گۇلنۇردىڭ اناسى باستاپقىدا قىزىنىڭ جاستايىنان تۇرمىسقا شىعۋىنا قارسى بولعانىن ايتادى.
«باستاپقىدا جالعىز قىزىم بولعان سوڭ، ەرتە تۇرمىسقا شىعۋىنا قارسى بولدىم. ءبىر ايعا دەيىن ۋايىمعا سالىنىپ، وزىمە كەلە الماي ءجۇردىم. كۇيەۋ بالام ونى كورمەسەم تۇرا المايمىن، ونسىز ءومىر سۇرە المايمىن دەپ قويمادى. الىپ قاشىپ كەتكەن سوڭ امالسىز كوندىك»، - دەيدى اناسى.
بۇگىندە 6 نەمەرەسىنىڭ كۇتىمىنە قارايلاپ جۇرگەنىن، باقىتتى اجە ەكەنىن ايتتى.
گۇلنۇردىڭ كۇيەۋى وزىنەن 2 جاس ۇلكەن. ۇيلەنگەن ۋاقىتتا جولداسى 18 جاستا بولعان.
«ەشنارسەگە وكىنبەيمىن. الداعى ۋاقىتتا وقۋ دا وقيمىن. اللا بەرسە، تاعى بالالى بولارمىن»، - دەيدى جاس انا.
جاس اتا-اناسى بالالارى كوركەم ەسىمدەر قويعان.
ۇلكەنى كاۋسار، كوركەم، ەرالي، رامازان، كەنجەسى راحمان مەن راحىم ەسىمدى ەگىزدەر.
