كوروناۆيرۋس: سانيتارلىق ماماندار شەتەلدەن كەلگەن 22 مىڭعا جۋىق جولاۋشىنى تەكسەردى
ق ح ر مەن شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا. ماسەلەن، 2020-جىلدىڭ 6- قاڭتارىنان 4- اقپان ارالىعىندا ەلىمىزگە 30 مىڭ 2 ادام كەلدى.
«دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سانيتارلىق-كارانتيندىك پۋنكتەرىنىڭ ماماندارى نۇر-سۇلتان جانە الماتى قالاسىنداعى حالىقارالىق اۋەجايلاردا - 21 مىڭ 439 ادامدى، تەمىرجول ۆوكزالدارىندا - 399 جولاۋشىنى تەكسەردى»، دەلىنگەن حابارلامادا.
جرۆي بەلگىسىمەن 94 ادام كوپشىلىكتەن وقشاۋ اۋرۋحاناعا جاتقىزىلدى، ونىڭ 61 جازىلىپ شىقتى، قازىر ستاتسيونارلاردا مەديتسينالىق باقىلاۋدا 33 ادام قالدى.
«اۋرۋحاناعا جاتقىزىلعانداردىڭ بارلىعىنىڭ سىناماسىن قوسىمشا باقىلاۋ ءۇشىن الماتىداعى ايقىمبايەۆ اتىنداعى اسا قاۋىپتى جۇقپالى اۋرۋلاردىڭ ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پتر-دياگنوستيكالاۋ ادىستەمەسىن يگەرگەن.
رەسپۋبليكادا تەراپيا ءۇشىن قاجەتتى ءدارى-دارمەك پەن مەديتسينالىق بۇيىمدار بار، جۇقپالى اۋرۋحانالاردى وقشاۋلاۋعا ارنالعان بوكستار، ارنايى دارىگەرلىك جانە ورتا مەديتسينالىق پەرسونال دايىندالعان»، دەلىنگەن حابارلامادا.
ايتا كەتۋ كەرەك، بۇل جاعداي ق ر دەنساۋلىق ساقتاۋ مينيسترلىگىنىڭ تۇراقتى باقىلاۋىندا.
رەسمي اقپاراتتى دەنساۋلىق ساقتاۋ مينيسترلىگىنىڭ فەيسبۋكتەگى پاراقشاسىنان وقي الاسىز جانە كەز كەلگەن سۇراق بويىنشا تاۋلىك بويى جۇمىس ىستەيتىن 1406 بايلانىس- ورتالىعىنا قوڭىراۋ شالۋعا بولادى.
