سينوپتيكتەردىڭ 22- قاڭتارعا ارنالعان اۋا رايى بولجامى

استانا. قازاقپارات - 22- قاڭتار كۇنى انتيتسيكلوننىڭ ىقپالىمەن قازاقستاننىڭ باسىم بولىگىندە اۋا رايى جاۋىن- شاشىنسىز بولادى.

تەك ەلدىڭ باتىسىندا، سولتۇستىك-باتىسىندا ازداعان قار كۇتىلەدى. رەسپۋبليكانىڭ كەي جەرلەرىندە جەل كۇشەيىپ، تۇمان، كوكتايعاق بولجانادى، سولتۇستىك-باتىستا جاياۋ بۇرقاسىن جۇرەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، وڭتۇستىك قازاقستان، قىزىلوردا، جامبىل، اقتوبە، قوستاناي، باتىس قازاقستان، سولتۇستىك قازاقستان، قاراعاندى جانە شىعىس قازاقستان وبلىستارىندا جەكەلەگەن جەرلەردە تۇمان كۇتىلەدى، جەلدىڭ ەكپىنى 15-20 م/س كۇشەيەدى. قوستاناي، باتىس قازاقستان وبلىستارىندا بۇرقاسىن كوتەرىلەدى.

اقمولا وبلىسىندا جەلدىڭ كۇشى 15-20 م/س ارتادى.

ماڭعىستاۋ، پاۆلودار وبلىستارىنىڭ كەي اۋماقتارىن تۇمان باسادى.

اتىراۋ وبلىسىندا تۇمان مەن كوكتايعاق بولجانادى.