07:46, 23 - مامىر 2016 | GMT +5
ويىن-ساۋىق ورتالىعىنا 22 جىل بۇرىنعى بيلەتىمەن كىردى
استانا. قازاقپارات - 27 جاستاعى امەريكالىق چەلسي حەرلاين (Chealsea Herline) ا ق ش- تىڭ فلوريدا شتاتىنداعى Disney World ويىن-ساۋىق پاركىنە وعان سىيعا بەرىلگەن 1994-جىلعى بيلەتپەن كىردى، دەپ حابارلايدى Upworthy باسىلىمى.
ويىن-ساۋىق ورتالىعىنىڭ اكىمشىلىگى قىزدىڭ ءتورت جاسىندا اۋىرىپ قالىپ تولىق پايدالانا الماعان بيلەتىن ءالى كۇنگە دەيىن جارامدى دەپ تاپتى.
چەلسيگە ءتورت جاسىندا اكەسى Disneyland پاركىنە ءتورت كۇندىك بيلەت ساتىپ اپەرەدى. الايدا قىز اۋىرىپ قالىپ بيلەتتىڭ سوڭعى كۇنى پايدالانىلمايدى. ارادا 22 جىل وتكەن سوڭ چەلسيدىڭ اكەسى سەيف تۇبىندە قالىپ قويعان بيلەتتى تاۋىپ الىپ، اتاقتى پارك جاقىن ورنالاسقان ورلاندوعا بارا جاتقان قىزىنا بەرەدى.
قىز پارككە كەلگەندە بيلەت تەكسەرۋشىلەر ەسكى بيلەتتى كورىپ تاڭ قالادى. الايدا Disneyland اكىمشىلىگى بيلەت ءوز قۇنىن جوعالتپاعاندىعىن ءمالىم ەتىپ، ونىڭ جاڭاسىن قىزعا تابىس ەتەدى دە قىزدى ويىن-ساۋىق ورتالىعىنا كىرگىزگەن.
