قاراعاندىدا 220 پۋشكين سەرۋەندەيدى
«220 پۋشكين قازاقستاندا سەرۋەندەيدى» فلەشموبىنىڭ باستاماشىسى نۇر-سۇلتان قالاسىنداعى رەسەيلىك عىلىم جانە مادەنيەت ورتالىعى بولدى. اكسيانى باسقا وڭىرلەر دە قولدادى، ونىڭ ىشىندە قاراعاندى وبلىسى دا بار.
«پۋشكيننىڭ ءرولىن ستۋدەنتتەر مەن وقۋشىلار سومدايدى. ەرىكتىلەر ارنايى بەتپەردە كيەتىن بولادى. ولار كوشەدەگى ءوتىپ بارا جاتقان ادامدارعا اقىننىڭ شىعارمالارى مەن ءومىربايانى تۋرالى سۇراقتار قويادى. ول ساۋالدارعا دۇرىس جاۋاپ بەرگەندەرگە ۇيىمداستىرۋشىلار الەكساندر پۋشكيننىڭ سۋرەتى بەينەلەنگەن ءتوس بەلگىسىن سىيلايدى»، - دەدى اكسيانىڭ قاراعاندىداعى ۇيلەستىرۋشىسى ستەپان ۆاديۋنين.
ونىڭ ايتۋىنشا، فلەشموب وبلىستىڭ ءۇش قالاسىندا وتەدى: قاراعاندى قالاسىندا نۇرسۇلتان نازاربايەۆ داڭعىلىنداعى ا. پۋشكين ەسكەرتكىشىنىڭ جانىندا، ورتالىق مادەنيەت جانە دەمالىس ساياباعىندا، «تاير» جانە «سيتيمولل» ساۋدا ورتالىقتارىندا؛ تەمىرتاۋدا بەيبىتشىلىك داڭعىلىندا؛ ساران قالاسىندا لەنين داڭعىلىندا.
بارلىق جەرلەردە فلەشموب ءبىر ۋاقىتتا وتەدى. باستالۋى: 16.00.
اكسياعا بارلىق تىلەك بىلدىرۋشىلەر قاتىسا الادى. ول ءۇشىن پۋشكين بەينەسىن سۋرەتكە ءتۇسىرىپ، الەۋمەتتىك جەلىلەردە #pushkin220kz حەشتەگى بار سۋرەت سالۋ كەرەك.
ۇيىمداستىرۋشىلاردىڭ مالىمەتى بويىنشا، اكسياعا الماتى، ستەپنوگورسك جانە كوكشەتاۋ قالالارى قاتىسادى.
ا. س. پۋشكين (1979-1837) ورىس اقىنى، دراماتۋرگ جانە پروزاشى. ورىس رەاليستىك باعىتىنىڭ نەگىزىن قالاعان، ادەبيەتتىڭ سىنشىسى جانە تەورەتيگى، تاريحشى، پۋبليتسيست؛ ⅩⅨ عاسىردىڭ ورتاسىنداعى ەڭ بەدەلدى ادەبي قايراتكەرلەردىڭ ءبىرى.