04:18, 05 - شىلدە 2016 | GMT +6
شىمكەنتتە 21 جاستاعى كۇزەتشى قىز اسحانادا اقشا تولەمەگەن جىگىتتەردى ساباپ تاستادى
استانا. قازاقپارات - شىمكەنتتەگى مومىش ۇلى كوشەسىنىڭ بويىنداعى كافەلەردىڭ بىرىندە 1995-جىلى تۋعان كۇزەتشى قىز وزىنەن الدەقايدا ۇلكەن ەكى جىگىتتى سوققىعا جىقتى.
بۇل تۋرالى ТВК ارناسى حابارلايدى.
الدىن الا مالىمەت بويىنشا، ىشىمدىككە سىلقيا تويعان جىگىتتەر كايەنىڭ اقشاسىن تولەۋدەن باس تارتقان. كەيىن كافە باسشىلىعى مەن الگى ەكى جىگىتتىڭ اراسىندا داۋ تۋىنداپ، ىسكە كۇزەتشى قىز ارالاسادى.
ول سوزدى تۇسىنبەي، اقشا تولەگىسى كەلمەگەن جىگىتتەردى سوققىعا جىققان. بۇگىندە تاياق جەگەن جىگىتتەر قىزدىڭ ۇستىنەن پوليتسياعا شاعىم ءتۇسىردى. سەبەبى، جەكپە- جەك ونەرىنەن حابارى بار كۇزەتشى قىز ءوز قىزمەتىن اسىرا پايدالانعان بولۋى مۇمكىن.