تۇركيادا جەر سىلكىنىسىنەن كوز جۇمعاندار سانى 20 مىڭنان اسىپ كەتتى
تۇركيا ۇكىمەتى جانىنداعى اپاتتار مەن توتەنشە جاعدايلار باسقارماسىنىڭ (AFAD) سوڭعى مالىمەتىنە سەنسەك، تۇركياداعى جەر سىلكىنىسىنەن زارداپ شەككەندەردىڭ سانى وسى ساعاتقا دەيىن 20213-كە جەتكەن، 80052 ادام جارالاندى.
ايتا كەتەيىك، تۇركيادا جەر سىلكىنىسىنە ۇشىراعان پروۆينتسيالارداعى عيماراتتاردى سالعان جانە قابىلداپ العان جاۋاپتى ادامدارعا قاتىستى تەرگەۋ باستالدى. بۇل جايىندا تۇركيانىڭ ادىلەت ءمينيسترى بەكير بوزداع مالىمدەدى.
وسىلايشا كەشە حاتاي قالاسىندا جەر سىلكىنىسى كەزىندە قۇلاعان «رەنەسسانس» رەزيدەنتسياسىنىڭ مەردىگەرى مەحمەت ياشار كوشكۋن ىستانبۇل اۋەجايىندا ۇستالدى.
تۇركياداعى الاپات ءزىلزالا 6 -اقپان كۇنى تۇركيانىڭ كاحرامانماراش- پازاردجيك اۋدانىندا 7,7 بالل قۋاتىمەن جانە ەلبيستاندا 7,6 بالل قۋاتىمەن باستالعان ەدى.
جەر سىلكىنگەننەن كەيىن ارتىنان 648 افتەرشوك بولعان.
جەراستى ءدۇمپۋى ەلدىڭ 10 پروۆينتسياسىندا، سونداي- اق كورشىلەس ەلدەردە، سونىڭ ىشىندە سيريادا سەزىلدى.
اۆتور
جانات قاپالبايەۆا