بومبا جايلى حاباردان سوڭ وسكەمەندە 20 مەكتەپ ونلاينعا كوشىرىلدى
قالا اكىمدىگىنىڭ مالىمەتىنە سۇيەنسەك، پوليتسياعا بومبا جايلى حابار تۇسكەن سوڭ 20 مەكتەپتىڭ ەكىنشى اۋىسىمداعى وقۋشىلارى قاشىقتان ءبىلىم الۋعا كوشىرىلدى.
«جاعداي قۇقىق قورعاۋ ورگاندارىنىڭ باقىلاۋىندا. قازىرگى ۋاقىتتا مەكتەپتەردى مامانداندىرىلعان قىزمەتتەر تەكسەرىپ جاتىر»، - دەلىنگەن اقپاراتتا.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، مەكتەپتەردەن ەۆاكۋاتسيالانعان مۇعالىمدەر مەن وقۋشىلار ايازدا توڭىپ قالماس ءۇشىن قۇتقارۋشىلار «ۆاحتا» كولىكتەرىمەن كەلىپ جەتتى.
ەسكە سالايىق، بۇگىن وسكەمەن قالاسىندا وسى اپتادا ءۇشىنشى رەت بىرنەشە مەكتەپ عيماراتىنا بومبا قويىلعانى تۋرالى حابار ءتۇستى. قازىر مامانداندىرىلعان قىزمەتتەر نىسانداردى تەكسەرىپ جاتىر.
جارىلعىش زات تۋرالى العاشقى حابار 6- اقپاندا ءتۇستى. ول كەزدە سوت جانە مەكتەپ عيماراتتارى جارىلاتىنى جونىندە ايتىلدى. شۇعىل قىزمەتتەر قاۋىپتى زاتتار تاپپادى.
9- اقپاندا مەكتەپتەرگە ورناتىلعان بومبا تۋرالى حابارلاما تاعى ءتۇستى. ول جولى دا اقپارات جالعان ەكەنى انىقتالدى.
