وسكەمەندە ارزان كوكەنىستەر ساتاتىن 20 پاۆيلونى اشىلادى
قالا اكىمدىگىنىڭ مالىمەتىنە سۇيەنسەك، تۇرعىندار اراسىندا تۇراقتاندىرۋ قورىنىڭ پاۆيلوندارىنا دەگەن سۇرانىس ارتىپ كەلەدى. وندا الەۋمەتتىك ماڭىزى بار تاۋارلار ارزانداتىلعان باعامەن ساتىلۋدا. ماسەلەن، كوكونىس ونىمدەرىنىڭ قۇنى 82 تەڭگەدەن اسپايدى.
«قازىرگى ۋاقىتتا وسكەمەندە 18 پاۆيلون جۇمىس ىستەپ تۇر. الداعى ۋاقىتتا تاعى التاۋى اشىلادى دەپ كۇتىلۋدە. سونداي- اق الەۋمەتتىك ساۋدا ورىندارىن ورنالاستىرۋ ءۇشىن قالانىڭ ءار اۋدانىنان قوسىمشا 14 جەر تەلىمى ايقىندالدى. اتالعان ۋچاسكەلەردى جوبالاۋ بويىنشا ءتيىستى جۇمىستاردى جۇرگىزۋ ءۇشىن «ەرتىس» الەۋمەتتىك- كاسىپكەرلىك كورپوراتسياسىنا سول ءتىزىم جىبەرىلدى»،- دەدى شاھار باسشىسى جاقسىلىق ومار.
ايتا كەتەيىك، بۇگىندە قالا بويىنشا ساۋدا ۇيلەرىندە، دۇكەندەردە، تۇراقتاندىرۋ قورىنىڭ پاۆيلوندارىندا الەۋمەتتىك ماڭىزى بار ازىق- تۇلىك باعاسىنىڭ قىمباتتاۋىنا جول بەرمەس ءۇشىن تۇراقتى تۇردە مونيتورينگ جۇرگىزىلۋدە.