19:31, 31 - قاڭتار 2020 | GMT +5
ءۇندىستاندا 20 بالانى كەپىلگە العان ەر ادامدى اتىپ تاستادى
نۇر- سۇلتان. قازاقپارات - ءۇندىستاننىڭ ۋتتار- پرادەش شتاتىندا 20 بالانى كەپىلگە العان ەر ادامدى اتىپ تاستادى، دەپ حابارلايدىBBC.
كىسى ولتىرگەنى ءۇشىن ءومىر بويىنا سوتتالعان ەر ادام شارتتى تۇردە مەرزىمىنەن بۇرىن بوساتىلعان ەدى. ول قىزىنىڭ تۋعان كۇنىن تويلاۋ ءۇشىن اۋىلداستارىن، بالالار مەن ايەلدەردى شاقىرعان. ەر ادام تۋعان كۇن كەزىندە ادامدارعا وق اتىپ، 20 بالانى كەپىلگە العان.
پوليسيا بىرنەشە ساعات بويى قىلمىسكەردى بەرىلۋگە كوندىرمەك بولعان. ولاردىڭ بۇل ارەكەتى ىسكە اسپاعان سوڭ، ولار ارنايى قىزمەتكەرلەردى شاقىردى. ەر ادام اتىس كەزىندە قازا تاپتى. بارلىق بالالار قاۋىپسىز جەرگە جەتكىزىلدى، ەشكىم زارداپ شەككەن جوق.
