19:49, 17 - ءساۋىر 2019 | GMT +6
كەمە اۋدارىلىپ، 20 ادام قازا تاپتى
نۇر- سۇلتان. قازاقپارات - كيۆۋ كولىندە اعاشتان جاسالعان كەمە اۋدارىلدى. ونىڭ ىشىندە جۇزگە جۋىق ادام بولعان. قازىر 30 دان استام ادام قۇتقارىلدى، 20 ادام قازا تاپتى. بۇل تۋرالى شينحۋا اگەنتتىگى حابارلادى.
كونگو دەموكراتيالىق رەسپۋبليكاسىندا بولعان قايعىلى جاعدايدان كەيىن تابىلماي جاتقان بىرنەشە ادام بار.
وڭتۇستىك كيۆۋ پروۆينتسياسى وكىلدەرىنىڭ ايتۋىنشا، اعاش كەمە دۇيسەنبىدەن سەيسەنبىگە قاراعان ءتۇنى اۋدارىلعان.
قازىر 30 ادام قۇتقارىلىپ، 20 ادام قازا تاپتى. اپاتتىڭ سەبەپتەرى انىقتالىپ جاتىر.