ەلىمىزدە الداعى تاۋلىكتەردە كۇن 20 گرادۋسقا دەيىن جىلىنادى
استانا. قازاقپارات - سينوپتيكتەر 12-14- ناۋرىزعا ارنالعان اۋا رايى بولجامىن ۇسىندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
ءۇش تاۋلىك بويى انتيتسيكلون قازاقستاننىڭ كوپتەگەن وبلىستارىنا ىقپال ەتەدى.
«رەسپۋبليكانىڭ باسىم بولىگىندە اۋا رايى جاۋىن-شاشىنسىز، كۇن الا بۇلتتى، اۋا تەمپەراتۋراسى 0.. .+8° گرادۋس، ال وڭتۇستىك جانە وڭتۇستىك-شىعىستا +12.. .+20° گرادۋس بولادى. بۇل كليماتتىق نورمادان 4.. .10° گرادۋسقا جوعارى»، - دەلىنگەن حابارلامادا.
رەسەيدىڭ ەۋروپالىق بولىگىنەن اۋىسىپ كەلەتىن اتموسفەرالىق فرونتتاردىڭ ىقپالىنان ەلىمىزدىڭ باتىس جانە سولتۇستىك ايماقتارىندا جاۋىن-شاشىن جاۋىپ، تۇمان تۇسەدى جانە كوكتايعاق بولۋى ىقتيمال.