پەداگوگتاردىڭ تامىز كەڭەسى: جاڭا 20 مەكتەپ اۆتوبۋسىنىڭ كىلتى تاپسىرىلدى
بۇگىن كوكشەتاۋدا جىلداعى ءداستۇر بويىنشا اقمولا وبلىسىنىڭ ءبىلىم سالاسى قىزمەتكەرلەرىنىڭ تامىز كەڭەسى ءوتتى. «كوكشەتاۋ» مادەنيەت سارايىندا ۇيىمداستىرىلعان شاراعا ايماق باسشىسى مالىك مىرزالين، قازاقستان رەسپۋبليكاسى ءبىلىم جانە عىلىم مينيسترلىگىنىڭ وكىلى، زاڭ قىزمەتى جانە حالىقارالىق ىنتىماقتاستىق دەپارتامەنتىنىڭ ديرەكتورى نۇرسەيىت بايجانوۆ قاتىستى.
«جىلدار بويى داستۇرگە اينالعان تامىز كەڭەسى وتكەن وقۋ جىلىنا تەرەڭ تالداۋ جاساۋىمىزعا، وزەكتى ماسەلەلەردى انىقتاۋعا، جاڭا وقۋ جىلىنا جاڭا مىندەتتەر قويۋعا مۇمكىندىكتەر بەرەدى» ، - دەدى م. مىرزالين.
شارا بارىسىندا ايماق باسشىسى جاڭا 20 مەكتەپ اۆتوبۋسىنىڭ كىلتىن وبلىسىمىزدىڭ ءار وڭىرىنەن كەلگەن ءبىلىم ءبولىمى باسشىلارىنا سالتاناتتى تۇردە تابىس ەتتى. بۇل ماقساتتا وبلىس بيۋدجەتىنەن 286 ميلليون تەڭگە قارجى بولىنگەن.
وعان قوسا، ءبىلىم بەرۋ سالاسىندا جاقسى جەتىستىكتەرگە قول جەتكىزگەن مۇعالىمدەر مەن وقۋ ورىندارىنىڭ باسشىلارى، بالاباقشا تاربيەشىلەرى وبلىس اكىمىنىڭ العىس حاتتارىمەن ماراپاتتالىپ، ءبىرقاتار ۇستازدارعا ى. التىنسارين جانە «ءبىلىم بەرۋ ءىسىنىڭ ۇزدىگى» توسبەلگىلەرى تابىس ەتىلدى.
سونىمەن قاتار، وبلىستىق ءبىلىم باسقارماسىنىڭ ۇيىمداستىرۋىمەن وتكەن ء«بىلىم سالاسىنىڭ ۇزدىك ۇيىمى» اتتى وبلىستىق بايقاۋىنىڭ جەڭىمپازى اتانعان جاقسى اۋدانىنىڭ قابدەش وسكەنبايەۆ اتىنداعى قيما ورتا مەكتەبىنىڭ ۇجىمى 200 627 22 تەڭگەنىڭ اقشالاي ارنايى سەرتيفيكاتىنا يە بولدى.
