دەمالىس كۇندەرى قازاقستاندا 20 ادام سۋعا كەتتى
بەلگىلەنبەگەن جەردە سۋعا ءتۇسۋ سالدارىنان شىعىس قازاقستان وبلىسىندا - 5 ادام، قىزىلوردا وبلىسىندا - 3، قاراعاندى وبلىسىندا - 3، سولتۇستىك قازاقستان وبلىسىندا - 2، الماتى وبلىسىندا - 1، قوستاناي وبلىسىندا - 1، اقمولا وبلىسىندا - 2، باتىس قازاقستان وبلىسىندا - 1، سونداي-اق استانا قالاسىندا - 1، الماتى قالاسىندا 1 ادام سۋعا كەتتى.
«توتەنشە جاعدايلار كوميتەتى سۋايدىندارىندا قاۋىپسىزدىك ەرەجەلەرىن ساقتاۋ قاجەتتىگىن، سونداي-اق بەلگىلەنبەگەن جەردە شومىلۋعا بولمايتىنىن كەزەكتى رەت ەسكەرتەدى. توتەنشە جاعدايلار كوميتەتىنىڭ سايتىندا ەگجەي-تەگجەيلى كورسەتىلگەن شومىلۋ بارىسىنداعى قاۋىپسىزدىك ەرەجەلەرىمەن تانىسىپ شىعۋدى سۇرايمىز. ازاماتتار ءجيى جاعدايدا قۇتقارۋشىلاردىڭ ەسكەرتۋلەرىنە قۇلاق اسپايتىنىن اتاپ ءوتۋ كەرەك. مىسال رەتىندە قوستاناي قالاسىندا سەنبى كۇنى بولعان وقيعانى ايتۋعا بولادى. قۇتقارۋشىلار رەيد بارىسىندا ازاماتتاردى بەلگىلەنبەگەن جەردە سۋعا ءتۇسۋدىڭ قاۋپى جونىندە ەسكەرتكەن. بۇل ادامدار سۋعا كەتەر ەدى، ەگەر ولاردى ەر ادام قۇتقارىپ قالماسا. ءبىراق ولاردى قۇتقارامىن دەپ ول ءوزى سۋعا كەتتى»، - دەدى ر. يمانقۇلوۆ.
