قازاقستاندا 20 -ناۋرىز كۇنى وتەتىن ماڭىزدى وقيعالارعا شولۋ

استانا

10.00-دە ۇكىمەتتىڭ كەزەكتى وتىرىسى وتەدى. كۇن ءتارتىبى بويىنشا 2016-2019 -جىلدارعا ارنالعان «دەنساۋلىق» مەملەكەتتىك باعدارلاماسىنىڭ وتكەن جىلعى قورىتىندىسى، 2017-2021 -جىلدارعا ارنالعان قازاقستاننىڭ اگروونەركاسىپ كەشەنىن دامىتۋ باعدارلاماسىنىڭ 2017 -جىلعى ناتيجەسى، سونداي- اق بيىلعى كوكتەمگى ەگىسكە دايىندىق ماسەلەسى قارالادى.

10.00-دە بەيبىتشىلىك جانە كەلىسىم سارايىندا تۇركى اكادەمياسىنىڭ ۇيىمداستىرۋىمەن «ءاز ناۋرىز» اتتى مەرەكەلىك شارا ۇيىمداستىرىلادى.

11.00-دە استانا اكىمدىگىندە سۋ تاسقىنىنا قارسى شارالار مەن توتەنشە قىزمەتتەردىڭ دايىندىعىنا ارنالعان باسپا ءسوز ءماسليحاتى باستالادى. شاراعا دەپارتامەنت وكىلدەرى قاتىسادى.

11.00-دە ق ر ۇلتتىق ەكونوميكا مينيسترلىگىنە قاراستى ەكونوميكالىق زەرتتەۋلەر ينستيتۋتىندا (ەكونوميكا ۇيىندە) پرەزيدەنتتىڭ بەس الەۋمەتتىك باستاماسىنا ارنالعان «دوڭگەلەك ۇستەل» ۇيىمداستىرىلادى.

12.20-دا ورتالىق كوممۋنيكاتسيالار قىزمەتىندە «قازاقپارات» ح ا ا جۇمىس قورىتىندىسى مەن الداعى جوسپارلارىنا ارنالعان باسپا ءسوز ءماسليحاتى وتەدى.

15.00-دە ورتالىق كوممۋنيكاتسيالار قىزمەتىندە ق ر پرەزيدەنتىنىڭ جولداۋى اياسىندا رەسۋرستاردى ۇتىمدى پايدالانۋ ماسەلەسىنە ارنالعان باسپا ءسوز ءماسليحاتى ۇيىمداستىرىلادى.

الماتى

09:00-دە س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىندە تۋبەركۋلەزگە قارسى كۇرەس كۇنىنە ارنالعان عىلىمي- پراكتيكالىق كونفەرەنسيا وتەدى.

10:00-دە الماتى قىزمەت كورسەتۋ كوللەدجىندە «100 قايىرىمدى ءىس» جوباسى اياسىندا ءبىرقاتار شارالار وتەدى. سونىڭ ىشىندە بالالار كورمەسى، مەملەكەتتىك قىزمەتتەر كورمەسى، كونسەرت جانە تاعى باسقا شارالار بار. ۇيىمداستىرۋشى - «جاستارعا جول» قوعامدىق قورى.

11.00-دە ق ر ءبىلىم جانە عىلىم مينيسترلىگىنىڭ ورتالىق عىلىمي كىتاپحاناسىندا ق ر پرەزيدەنتى ن. نازاربايەۆتىڭ «تاۋەلسىزدىك ءداۋىرى» كىتابىن تالقىلاۋعا ارنالعان «دوڭگەلەك ۇستەل» وتەدى.

11.00-دە Halyk Bank-تە اتالعان قارجى ۇيىمىنىڭ وتكەن جىلعى جۇمىسىنا ارنالعان باسپا ءسوز ءماسليحاتى ۇيىمداستىرىلادى.

شىعىس قازاقستان وبلىسى

10.00-دە شىعىس قازاقستان گۋمانيتارلىق كوللەدجىندە «جان جىلۋى» اكسياسى اياسىندا «ءۇمىت» بالالار ءۇيىنىڭ بالدىرعاندارىنا ارنالعان قايىرىمدىلىق شاراسى وتەدى.

11.00-دە اباي اۋدانىنداعى قاراۋىل اۋىلىندا بالالار مەن جاستار اراسىنداعى اسىق اتۋدان جارىستار ۇيىمداستىرىلادى.

11.00-دە وسكەمەن قالاسىنداعى وڭىرلىك كوممۋنيكاتسيالار قىزمەتىندە كاسىپكەرلىك پەن ونەركاسىپ سالاسىندا اتقارىلعان جۇمىس بويىنشا باسپا ءسوز ءماسليحاتى وتەدى. شاراعا كاسىپكەرلىك پەن يندۋستريالدى-يننوۆاتسيالىق دامۋ باسقارماسىنىڭ باسشىسى ماقسات مۇساپىربەكوۆ، «دامۋ» كاسىپكەرلىكتى دامىتۋ قورى» ا ق مەن «Kazakh Invest» كومپانياسىنىڭ وكىلدەرى قاتىسادى.

11.00-دە وبلىستىق دراما تەاترىندا القا ءماجىلىسى وتەدى. وتىرىس بارىسىندا مادەنيەت پەن مۇراعات سالاسىندا اتقارىلعان جۇمىستار مەن كەلەسى جىلدىڭ جوسپارى، وبلىستىڭ تۋريستىك كلاستەرىن دامىتۋ، قاسيەتتى جەرلەردىڭ ءتىزىمى قارالادى.

12.00-دە شىعىس قازاقستان وبلىسى اكىمدىگىنىڭ وتىرىسى باستالادى. كۇن تارتىبىندە - اۋىل شارۋاشىلىعى كووپەراتسياسىن دامىتۋ.

سولتۇستىك قازاقستان وبلىسى

11.00-دە م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە «اتا سالتى - ۇرپاققا مۇرا» اتتى شارا وتەدى.

11.00-دە «ابىلاي حان ورداسى» مۋزەي كەشەنىندە تەاترلاندىرىلعان قويىلىمدار ۇيىمداستىرىلادى.

10.00-دە بالالار مەن جاسوسپىرىمدەرگە ارنالعان سپورت مەكتەبىندە گرەك-ريم كۇرەسىنەن قالالىق جارىس باستالادى.

14.30-دا «دەلفين» باسسەينىندە جۇزۋدەن پەتروپاۆل چەمپيوناتى وتەدى.

وڭتۇستىك قازاقستان وبلىسى

12:00-دە وڭىرلىك كوممۋنيكاتسيالار قىزمەتىندە وڭتۇستىك قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ باسشىسى م. ايازوۆ باسپا ءسوز ءماسليحاتىن وتكىزەدى. ينسپەكتسيا باسشىسى بيىلعى جىلدىڭ جوسپارلارى مەن ماۋسىمدىق اڭ اۋلاۋعا تىيىم سالۋ جايىندا ايتىپ بەرەدى.

14:30-دا وڭتۇستىك قازاقستان وبلىسى بويىنشا قازاقستان حالقى اسسامبلەياسىنىڭ عيماراتىندا «وقو تۇرعىندارىنىڭ دەنساۋلىعىن ساقتاۋ، نىعايتۋ ساياساتىن ىسكە اسىرۋ» فورۋمى وتەدى. اتالعان شاراعا وبلىس اكىمى جانسەيىت تۇيمەبايەۆ پەن قازاق تاماقتانۋ اكادەمياسىنىڭ پرەزيدەنتى، اكادەميك تورەگەلدى شارمانوۆ قاتىسادى.