قازاقستان حالال تۋريزمدى دامىتۋ بويىنشا الەمنىڭ توپ-20 ەلىنىڭ قاتارىنا ەندى
زەرتتەۋ ناتيجەلەرى CrescentRating سايتىندا جاريالاندى.
Global Muslim Travel Index رەيتينگى بويىنشا مالايزيا قاتارىنان ءۇش جىل بويى كوش باستاپ كەلەدى. بيىل يسلامدىق ءتۋريزمى دامىعان ۇزدىك بەستىككە مالايزيامەن قاتار ءباا، يندونەزيا، تۇركيا جانە ساۋد ارابياسى ەندى.
ايتا كەتەتىن جايت، قازاقستان بۇل تىزىمدە بۇرىنعى ك س ر و قۇرامىنداعى ەلدەردىڭ كوشىن باستاپ تۇر. ودان كەيىن قىرعىزستان - 25، تاجىكستان - 26، وزبەكستان - 28، رەسەي - 44، سونداي-اق گرۋزيا - 59، ۋكراينا - 116 ورىنعا تۇراقتاعان.
بولجامعا سايكەس، 2020 -جىلعا قاراي مۇسىلماندىق تۋريزم نارىعىنىڭ كولەمى 156 ميلليون ساياحاتشىعا، ال اقشاعا شاققاندا 220 ميلليارد دوللاردى قۇرايتىن بولادى.
Global Muslim Travel Index تىزىمىندە 130 مەملەكەت قامتىلعان. ولار مۇسىلمان وتباسىنىڭ تىنىعۋى ءۇشىن قولايلىلىق، قىزمەت كورسەتۋ ساپاسى جانە سەرۆيس مۇمكىندىكتەرى، سونىڭ ىشىندە حالال ونىمدەردىڭ، تۋريستەردى ورنالاستىرۋ نۇسقالارىنىڭ، ماركەتينگتىك باعدارلامالاردىڭ قولجەتىمدىلىگى بويىنشا سالىستىرىلدى.