08:38, 02 - مامىر 2017 | GMT +5
ۇرىلار كۇزەت كومپانياسىنان 20 قارۋدى ۇرلاپ كەتتى
استانا. قازاقپارات - بىشكەكتە ۇرىلار «الفا- سەكيۋريتي» كۇزەت اگەنتتىگىنىڭ قويماسىن توناپ كەتتى، دەپ حابارلايدى اكيpress.
وقيعا 27 -ساۋىردە بولعان. سول كۇنى تاڭەرتەڭ جۇمىسقا كەلگەن قىزمەتكەرلەر قويمانىڭ تەرەزەسى اشىق قالعانىن بايقاعان. بەلگىسىز بىرەۋلەر عيماراتتان 20 قارۋدى الىپ كەتكەن. ادىلەت مينيسترلىگىنىڭ مالىمەتىنشە كومپانيا باسشىسى ايبەك ابىلوۆ ەلدەگى «قىرعىزستان» پارتياسىنىڭ قۇرىلتايشىسى بولىپ شىقتى.
بىشكەك قالالىق ءى ءى ب قىلمىستىڭ تىركەلگەندىگىن راستادى. سونداي-اق ءتارتىپ ساقشىلارى كۇدىكتىلەردى ىزدەستىرۋ جانە قولعا ءتۇسىرۋ شارالارىمەن اينالىسىپ جاتقانىن ءمالىم ەتتى.
