عالىمدار تاياۋداعى 20 جىلدىڭ ىشىندە رەسەي حالقىنىڭ ازاياتىندىعىن ەسكەرتتى
استانا. قازاقپارات - 19 جىلدان كەيىن رەسەيدىڭ حالىق سانى 83 مىڭ ادامعا ازايادى.
بۇل تۋرالى ماسكەۋدەگى گايداروۆسكيي فورۋمىندا عىلىمي ساراپشىلار مالىمدەدى، دەپ حابارلايدى «يزۆەستيا» گازەتى.
عالىمداردىڭ جاساعان رەسەي دەموگرافيالىق ەڭبەگىندە كورسەتىلگەندەي، 2016 -جىلدىڭ 1 -قاڭتارىندا ەلدە 146 ميلليون 545 مىڭ ادام ءومىر سۇرسە، 2035 -جىلى ولاردىڭ سانى 146,462 ميلليونعا كەمىمەك. ەكونوميكا جوعارى مەكتەبى عىلىمي- زەرتتەۋ ۋنيۆەرسيتەتى دەموگرافيا ينستيتۋتىنىڭ ديرەكتورى اناتولي ۆيشنيەۆسكيدىڭ ايتۋىنشا، رەسەيدە حالىقتىڭ تابيعي ازايۋى اعىمداعى دەموگرافيالىق پيراميدا سالدارىنان وسەدى.
«قازىر تۋۋ سانى از بولعان 1990 -جىلى تۋعان بالالار اتا- انا اتانۋدا. سوندىقتان انالار سانى از. ەرتەلى- كەش دۇنيەدەن وتەتىن قارت كىسىلەر سانى قاتار وسۋدە»، - دەپ ءتۇسىندىردى ۆيشنيەۆسكي.
