18:28, 26 - قازان 2015 | GMT +5
يندونەزيادا وزىنە كۇيەۋ ىزدەگەن 20 ايەلدى ولتىرگەن ەر ادام ۇستالدى
استانا. قازاقپارات - ءۇندىستاندا باستاۋىش سىنىپتاردىڭ بۇرىنعى مۇعالىمى ءوز ەلىندە 20 ايەلدى ولتىرگەنى ءۇشىن ءولىم جازاسىنا كەسىلۋى مۇمكىن.
ەر ادام يندونەزيانىڭ بالي ارالىندا ۇستالدى. موحان كۋمار ايەلدەرگە اسەرى كۇشتى سيانيد ۋىن بەرىپ ولتىرگەنى ءۇشىن ايىپتالىپ وتىر. بۇل قىلمىستاردى ول التى جىل بويى - 2003-2009 -جىلدار ارالىعىندا جاساعان، دەپ جازادى شەتەلدىك ب ا ق.
2013 -جىلدىڭ جەلتوقسانىندا مانگالور قالاسىنىڭ سوتى ونى ادام ولتىرۋدە كىنالى دەپ تانىپ، ءولىم جازاسىنا كەستى. 56 جاستاعى كۋمارعا ءۇندىستان ب ا ق- تارى «موحان سيانيدى» اتاۋىن بەرگەن. بۇل ەر ادامنىڭ ومىرلىك سەرىك ىزدەگەن ايەلدەردى ولتىرگەنى بەلگىلى.
كۋمار قاماۋدان قاشىپ، كوپتەگەن جىلدار بويى اۆستراليادا جاسىرىنعانىن مويىندادى. باليگە 15 كۇندىك دەمالىسىن وتكىزۋگە كەلگەندە ۇستالعان. تاياۋ كۇندەرى ەر ادام ءۇندىستانعا جىبەرىلمەك. بارلىق ءتيىستى قۇجاتتاردى دايارلاۋعا ءبىر ايدان استام ۋاقىت كەتەتىنى دە جوققا شىعارىلمايدى.
