بۇگىن - قازاقستان رەسپۋبليكاسىنىڭ كونستيتۋتسياسىنا 20 جىل - فوتو

استانا. قازاقپارات - قازاقستان حالقى اتا زاڭىمىز - كونستيتۋتسيا كۇنىن اتاپ وتۋدە. قازاقستاندى دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە بەكىتكەن اتا زاڭىمىز - كونستيتۋتسياعا ءدال بۇگىن 20  جىل تولىپ وتىر.
None
None

1995 - جىلى 30 - تامىزدا ەلدىڭ جاڭا كونستيتۋتسياسىن قابىلداۋ جونىندە بۇكىلحالىقتىق رەفەرەندۋم ءوتىپ، وعان سايلاۋشىلاردىڭ 90,58 پايىزى قاتىستى. ولاردىڭ 89,14 پايىزى جاڭا كونستيتۋتسيانىڭ قابىلدانۋىن قولدادى. 1998 جانە 2007 - جىلدارى ق ر كونستيتۋتسياسىنا ەلەۋلى وزگەرىستەر ەنگىزىلدى.

 «30 - تامىز قازاقستان حالقى ءبىرتۇتاس تاڭداۋ جاساعان ۇلى بەتبۇرىس كۇنى بولىپ ەسەپتەلەدى. ءبىز وسىدان 20 - جىل بۇرىن بۇكىل حالىقتىق رەفەرەندۋمدا اتا زاڭىمىزدى قابىلدادىق. ەسكى مەن جاڭا توقايلاسقان الماعايىپ كەزەڭدە حالقىمىز بارشا الەمگە بىرلىگى مەن دانالىعىن كورسەتتى»، - دەدى ەلباسى 28 - تامىزدا وتكەن ق ر كونستيتۋتسياسىنىڭ 20 جىلدىق مەرەيتويىنا ارنالعان عىلىمي- تاجىريبەلىك كونفەرەنتسيا بارىسىندا.

«ءبىز، ورتاق تاريحي تاعدىر بىرىكتىرگەن قازاقستان حالقى، بايىرعى قازاق جەرىندە مەملەكەتتىلىك قۇرا وتىرىپ، ءوزىمىزدى ەركىندىك، تەڭدىك جانە تاتۋلىق مۇراتتارىنا بەرىلگەن بەيبىتشىل ازاماتتىق قوعام دەپ ۇعىنا وتىرىپ، دۇنيەجۇزىلىك قوعامداستىقتا لايىقتى ورىن الۋدى تىلەي وتىرىپ، قازىرگى جانە بولاشاق ۇرپاقتار الدىنداعى جوعارى جاۋاپكەرشىلىگىمىزدى سەزىنە وتىرىپ، ءوزىمىزدىڭ ەگەمەندىك قۇقىعىمىزدى نەگىزگە الا وتىرىپ وسى كونستيتۋتسيانى قابىلدايمىز»، دەپ باستالاتىن قازاقستان رەسپۋبليكاسىنىڭ كونستيتۋتسياسى 9 تاراۋدان، 98 باپتان تۇرادى. كونستيتۋتسيا - مەملەكەتتىك قۇرىلىستىڭ قۇقىقتىق نەگىزىن قالىپتاستىرۋشى قۇجات بولىپ تابىلادى. ول مەملەكەتتىك تەتىك، قوعامدىق، ساياسي ينستيتۋتتار رەتىندە قىزمەتتىڭ نەگىزى بولارلىق پرينتسيپتەردى ورنىقتىردى، ادام مەن ازاماتتىڭ كونستيتۋتسيالىق مارتەبەسىن بەلگىلەدى، ەكونوميكالىق قۇرىلىستىڭ نەگىزدەرىن ايقىندادى. بۇل تاۋەلسىز قازاقستاننىڭ قابىلداعان ەكىنشى كونستيتۋتسياسى. العاشقى كونستيتۋتسيا 1993 - جىلى 28 - قاڭتاردا قابىلدانعان بولاتىن.

قازاقستاننىڭ اتا زاڭى الەمدەگى ەڭ جاس كونستيتۋتسيالاردىڭ ءبىرى بولىپ سانالادى. ارينە، تاريح اۋقىمىنان الىپ قاراعاندا، 20 جىل از عانا مەرزىم. دەسە دە، وسىنداي الماعايىپ زاماندا قازاقستاننىڭ اتا زاڭى ۋاقىتتىڭ سىنىنان سۇرىنبەي ءوتتى، ءوزىنىڭ زامان تالابىنا لايىقتىعىن جان- جاقتى دالەلدەدى. ال كوپتەگەن زەرتتەۋشىلەردىڭ پىكىرىنشە، قازاقستاننىڭ كونستيتۋتسياسى الەمدەگى جالپىادامزاتتىق قۇندىلىقتاردى دارىپتەيتىن ەڭ ۇزدىك 50 كونستيتۋتسيانىڭ قاتارىندا تۇر.

 قازاقستاندىقتار كونستيتۋتسيا كۇنىنە وراي 29-31 - تامىز ارالىعىندا ءۇش كۇن دەمالۋدا.

 بىرنەشە كۇننەن بەرى ەلوردامىز بەن ەل ايماقتارىندا ق ر كونستيتۋتسياسىنىڭ 20 جىلدىعىنا وراي وتكىزىلىپ جاتقان شارالار 30 - تامىزدا دا جالعاسىن تابادى. بۇل كۇنى ساعات 11.00 - 23.00 ارالىعىندا استانانىڭ باستى الاڭدارىندا: ورتالىق الاڭ، «بايتەرەك» مونۋمەنتى الدىنداعى الاڭدا جانە «ستۋدەنتتىك» ساياباعىندا ارنالعان مەرەكەلىك كونسەرتتەر وتەدى. سونداي- اق ءبىر اي بويى قالانىڭ بارلىق كىتاپحانالارىندا «اتا زاڭ - بولاشاقتىڭ كەپىلى» كىتاپ كورمەسى كەلۋشىلەردى قارسى الماق.

وسىنداي مەرەكەلىك ءىس- شارالار قازاقستاننىڭ بارلىق وبلىستارىندا جانە قالالارىندا ۇيىمداستىرىلۋدا.

2
3

4

5

6






7

8

سوڭعى جاڭالىقتار