جالپى قۇنى 20 ميلليون تەڭگە بولاتىن مالدى ۇرلاعان بارىمتاشىلار ۇستالدى - فوتو
وبلىستىڭ ءى ءى د باسپا ءسوز قىزمەتى حابارلاعانداي، و ق و ماقتاارال اۋدانىندا مال ۇرلاۋمەن اينالىسقان قىلمىستىق توپ ۇستالدى. پوليتسيا بولىمشەسىنە جايىلىمنان بەلگىسىز بىرەۋلەر جىلقىلاردى ايداپ اكەتەتىنى جايلى شاعىم تۇسكەن. جارتى جىلدا ىشكى ىستەر ورگاندارىنا وسىنداي شاعىممەن 10 جابىرلەنۋشى جۇگىنگەن.
ماقتاارال ا ءى ءى ب بارلىق جەكە قۇرامى مال ۇرلاۋشىلاردى ىزدەۋگە جۇمىلدىرىلدى، ءسويتىپ ولاردى قولعا تۇسىرە الدى.
قازىر، ۆەدومستۆونىڭ باسپا ءسوز قىزمەتى حابارلاعانداي، ءۇش كۇدىكتى ۇستالدى. ولار ماقتاارال اۋدانىنىڭ 1983, 1986, 1988 -جىلى تۋىلعان تۇرعىندارى. ولاردىڭ ءبىرى بۇدان بۇرىن دا قىلمىستىق جاۋاپكەرشىلىككە تارتىلعان بولىپ شىقتى.
ۇستالعاندار ايىپتارىن تولىقتاي مويىندادى.
پوليتسەيلەر ولاردى مۇنداي ۇرلىقتىڭ 11 ىنە قاتىسى بارىن دالەلدەدى. باۋكەسپەلەر جابىرلەنۋشىلەرگە 20 ميلليون تەڭگە كولەمىندە شىعىن كەلتىرگەن. قازىر ءۇش ەر ادام مال ۇرلاعانى ءۇشىن كۇدىكتى رەتىندە قاماققا الىندى، زاتتاي ايعاقتار تاركىلەندى.
و ق و ءى ءى د باسپا ءسوز قىزمەتىنىڭ دەرەكتەرىنە سۇيەنسەك، اتالمىش فاكتىلەر بويىنشا ق ر ق ك 188-بابى (ۇرلىق) بويىنشا قىلمىستىق ءىس قوزعالدى. سوت الدى تەرگەۋ جۇرگىزىلۋدە.
