09:08, 06 - ماۋسىم 2015 | GMT +6
ريم مەتروسىندا پويىزدار سوقتىعىسىپ، 20 دان استام ادام زارداپ شەكتى
استانا. قازاقپارات - ريم مەتروسىندا ەكى پويىزدىڭ سوقتىعىسۋى سالدارىنان زارداپ شەككەندەردىڭ سانى 20 ادامنان استى، دەپ حابارلادى La Stampa گازەتى.
باسىلىم دەرەكتەرىنە سۇيەنسەك، اپات سالدارىنان 21 ادام زارداپ شەكتى. ولاردىڭ كوپشىلىگىنىڭ جاراقاتتارى جەڭىل. ەكى ادام اۋرۋحاناعا جەتكىزىلدى.
وقيعا جۇما كۇنى ساعات 11:18 دە La Stampa مەترو ستانساسىندا ورىن الدى. اپات ورنىنا بىرنەشە ءورت سوندىرۋشىلەر مەن جەدەل جاردەم كولىگى، پوليتسيا كەلدى. ولار ۆاگوننان شىعا الماي قالعان ەكى جارالى جولاۋشىنى الىپ شىقتى.
اپاتقا ءبىر باعىتتا ءجۇرىپ كەلە جاتقان پويىزداردىڭ ءبىرىنىڭ كۇتپەگەن جەردەن توقتاۋى سەبەپ بولعان. ساعاتىنا 15 شاقىرىم جىلدامدىقپەن كەلە جاتقان ەكىنشى پويىزدىڭ ماشينيسى الدىڭعى پويىزدىڭ توقتاعانى جايلى اقپاراتتى ۋاقتىلى الماعان، دەپ جازدى ر ي ا نوۆوستي.
وقيعا اۋماعىندا پويىزدار قوزعالىسى ۋاقىتشا توقتاتىلدى.