يليا يلين مەن دەنيس تەن «ق ح ا-ىنا 20 جىل» مەدالىمەن ماراپاتتالدى
بۇل تۋرالى بۇگىن ق ر مادەنيەت جانە سپورت مينيسترلىگىندە ريو- دە- جانەيرودا 2016 -جىلى وتەتىن XXXI جازعى وليمپياداعا دايىندىق بارىسى تالقىلانعان جيىندا ءمالىم بولدى.
قازاقستان پرەزيدەنتىنىڭ جارلىعىنا سايكەس، قوعامدىق كەلىسىمگە قوسقان ۇلەستەرى ءۇشىن «قازاقستان حالقى اسسامبلەياسىنا 20 جىل» مەدالى يليا يلين، دەنيس تەن، شورت- ترەكتەن ۇلتتىق قۇراما باپكەرى مادىعالي قارسىبەكوۆ، اۋىر اتلەتيكادان الەم چەمپيونى جاسۇلان قىدىربايەۆ، ق ر بوكس باپكەرى الەكساندر سترەلنيكوۆ پەن ەركىن كۇرەستەن قازاقستاننىڭ سپورت شەبەرى يسلام بايرامۇقوۆقا تابىس ەتىلدى.
ناگرادالاردى ق ر مادەنيەت جانە سپورت ۆيتسە-مينيسترى ساكەن مۇسايبەكوۆ تابىستادى. راسىمگە دەنيس تەن، يليا يلين مەن يسلام بايرامۇقوۆ ءتۇرلى سەبەپتەرگە بايلانىستى قاتىسا المادى.
ايتا كەتەيىك، ەلدەگى قوعامدىق كەلىسىمنىڭ نىعايۋىنا، قازاقستان حالقىنىڭ بىرلىگىن قامتاماسىز ەتۋگە ەلەۋلى ۇلەس قوسقان قازاقستان رەسپۋبليكاسىنىڭ ازاماتتارى مەن شەتەل ازاماتتارىن كوتەرمەلەۋ ماقساتىندا، سونداي-اق قازاقستان حالقى اسسامبلەياسىنىڭ 20 جىلدىعىنىڭ قۇرمەتىنە وراي، بيىل ەلباسى جارلىعىمەن «قازاقستان حالقى اسسامبلەياسىنا 20 جىل» مەدالى تاعايىندالعان بولاتىن.
اۆتور: جاسۇلان جولدىبايەۆ
