تەڭىز كەنىشىندەگى جاڭا قۇرىلىسى كەزەڭىندە 20 مىڭ جۇمىس ورنى قۇرىلادى - ب. ساعىنتايەۆ

بۇل تۋرالى بۇگىن مۇناي-گاز سەكتورىن دامىتۋ ماسەلەسىنە ارنالعان ماجىلىستەگى پارلامەنتتىك تىڭداۋدا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.

«تەڭىز ءىرى جوباسىنا توقتالاتىن بولساق، ونى بولاشاقتا كەڭەيتۋ جوباسىن جۇزەگە اسىرۋ بەلگىلەندى. ونىڭ اياسىندا «تەڭىزشەۆرويل» كومپانياسى ءوندىرۋ دەڭگەيىن 1,4 ەسەگە ارتتىرۋدى جوسپارلاپ وتىر، ياعني بۇگىنگى 27 ميلليون توننادان 38 ميلليون تونناعا دەيىن كوبەيتەدى»، - دەدى ول.

سونداي- اق تەڭىز كەنىشىندەگى جاڭا نىسانداردىڭ قۇرىلىسى بارىسىندا 20 مىڭ جۇمىس ورنىن قۇرۋ قاراستىرىلىپ وتىر. نىسانداردى پايدالانۋعا بەرۋ 2021 -جىلعا بەلگىلەندى.

بۇدان بۇرىن حابارلانعانداي، جوبانى جۇزەگە اسىرۋدىڭ العاشقى كەزەڭىنە كومپانيا 1 ميلليارد ا ق ش دوللارى كولەمىندە قارجى بولگەن. ەندى قۇرىلىس جۇمىستارىن جۇرگىزەتىن جانە زاۋىت قوندىرعىلارىن قۇراستىراتىن مەردىگەرلەر انىقتالۋدا. بۇگىندە ىرگەتاسى قالانىپ جاتقان ۆاحتالىق كەنتتىڭ قۇرىلىسىنا كومپانيا 450 ميلليون ا ق ش دوللارى كولەمىندە قارجى قاراستىرعان. مۇندا 2 مىڭعا تارتا ادام ەڭبەك ەتىپ جاتىر.

بۇل ارادا ەڭ ماڭىزدىسى - تەڭىزدەگى وندىرىستە 20 مىڭ جۇمىس ورنى اشىلادى. ونىڭ 15 مىڭى جوبا قۇرىلىسىنا قاتىستىرىلسا، قالعان 5 مىڭ ادام كومپانيانىڭ ءتۇرلى تاپسىرىستارىن ورىندايتىن بولادى. اتالعان جوبانىڭ تەڭىز مۇنايىن يگەرۋ كولەمىن ارتتىرۋمەن قاتار جالپى ەلىمىز بويىنشا جاڭا جۇمىس ورىندارىنىڭ اشىلۋىنا دا يگى ىقپالى بولماق.

قازىردىڭ وزىندە پاۆلودار، سولتۇستىك قازاقستان جانە شىعىس قازاقستان وبلىستارىنداعى وتاندىق كومپانيالار زاۋىت قۇرىلىسىنا قاتىسۋعا تاپسىرىس بەرگەن. بۇل ءوز كەزەگىندە تەك اتىراۋ وبلىسىنىڭ عانا ەمەس، بۇكىل قازاقستان ەكونوميكاسىنىڭ دامۋىنا زور مۇمكىندىك بەرەتىنى انىق.

اۆتور: رۋسلان عابباسوۆ