ورتالىق ازيا ەلدەرىنىڭ حالىق سانى 2050 -جىلعا قاراي قانشالىقتى وسەدى

استانا. قازاقپارات - ب ۇ ۇ ەكونوميكا جانە الەۋمەتتىك ماسەلەلەر دەپارتامەنتى الەمدەگى دەموگرافيالىق احۋال جانە ونىڭ كەلەشەگى جونىندە ەسەپ جاريالادى.
None
None

وندا ورتالىق ازيا ەلدەرىنىڭ حالقى قالاي وسەتىنى تۋرالى دا بولجام ايتىلعان دەپ حابارلايدى Baq.kz اقپارات اگەنتتىگى.

ب ۇ ۇ بولجامىنا سايكەس، ورتالىق ازيادا حالىق سانى الداعى وتىز جىل ىشىندە كەمىندە 26 ميلليون ادامعا وسەدى. ماسەلەن، قازاقستان تۇرعىندارىنىڭ سانى 17,5 ميلليوننان 23 ميلليونعا وسەدى. ياعني، وسى ۋاقىت ىشىندە ءبىزدىڭ ەلدىڭ حالقى 5,5 ميلليونعا كوبەيمەك. قىرعىزستانداعى حالىق سانى قازىرگى 5,8 ميلليوننىڭ ورنىنا 8,1 ميلليون بولۋى مۇمكىن. تۇرىكمەنستاننىڭ دەموگرافيالىق احۋالى دا شامامەن وسىلاي وزگەرەدى - 5,5 ميلليوننان 7,8 ميلليونعا. ەڭ ءىرى ءوسىم تاجىكستان مەن وزبەكستاندا بولادى دەگەن جورامال بار. تاجىكستاننىڭ حالقى ەكى ەسەگە جۋىق كوبەيگەلى وتىر: 8,5 ميلليوننان 14,5 ميلليون ادامعا. ال وزبەكستاندا تۇرعىندار سانى 10 ميلليون ادامعا وسەدى - قازىر 30,9 ميلليون بولسا، 2050 -جىلعا قاراي 40,9 ميلليون. ياعني، وتىز جىل ىشىندە وزبەك ەلىنە قوسىلاتىن ادام سانى قىرعىزستان مەن تۇرىكمەنستانداعى قازىرگى حالىق سانىن قوسىپ العانداعىمەن شامالاس بولعالى وتىر.

وسى بولجامعا سايكەس، رەسەيدە دەموگرافيالىق احۋال قيىنداي بەرمەك. بۇل ەلدەگى تۇرعىندار سانى 2015 -جىلعىمەن سالىستىرعاندا 10 ميلليون ادامعا ازايىپ، 133 ميلليون بولۋى مۇمكىن. رەسەي ستاتيستيكا ماماندارى 2017 -جىلى تۋۋ دەڭگەيى %10 عا قۇلاعانىن ايتقان بولاتىن. بۇل سوڭعى ون جىلداعى ەڭ جوعارعى كورسەتكىش.

مامانداردىڭ بولجامىنا قاراعاندا بۇرىنعى كەڭەس وداعىنىڭ ەۋروپالىق بولىگىندەگى وزگە ەلدەردە دە حالىق سانى ازايا بەرمەك. ماسەلەن، بەلارۋس پەن مولدوۆانىڭ ءارقايسىسىندا تۇرعىندار سانى ءبىر ميلليونعا كەميدى. ۋكراينانىڭ حالقى بىردەن 8 ميلليونعا ازايىپ، 36,5 ميلليون ادام بولادى. لاتۆيا مەن ليتۆادا كەمۋ - %25 شاماسىندا، بۇل 500 مىڭ ادام دەگەن ءسوز.

سونىمەن قاتار ماماندار 2050 -جىلعا قاراي جەر شارى تۇرعىندارىنىڭ %74 ى قالالاردا تۇراتىنىن ايتادى.

سوڭعى جاڭالىقتار