2027-جىلى قازاقستان حالقى 12 اۋرۋ بويىنشا تەگىن دياگنوستيكادان وتە الادى

استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا ماجىلىستە وتكەن بريفينگتە تەگىن مەديتسينالىق كومەكتىڭ كەپىلدەندىرىلگەن كولەمى اياسىندا قانداي وزگەرىستەر ەنگىزىلەتىنىن ايتىپ بەردى.

ااا
Фото: Оксана Матасова/Kazinform

ونىڭ ايتۋىنشا، قازىر تمككك اياسىندا قازاقستاندىقتار تۋبەركۋلەز بەن ا ي ت ۆ/ج ي ت س سەكىلدى ەكى الەۋمەتتىك ماڭىزدى اۋرۋعا كۇدىك بولعان جاعدايدا كونسۋلتاتيۆتى- دياگنوستيكالىق كومەكتى تەگىن الا الادى.

- بۇل تىزىمگە ديناميكالىق باقىلاۋعا جاتاتىن 12 الەۋمەتتىك ماڭىزدى جانە 22 سوزىلمالى اۋرۋ كىرەدى. ءبىز ءمامس جۇيەسىن ەنگىزۋدە وزىق تاجىريبەلى ەلدەردى زەرتتەپ، مەملەكەتتىك بازالىق پاكەتتە بولۋى ءتيىس قىزمەتتەر ءتىزىمىن ءبولىپ الدىق. بۇل بازالىق قىزمەتتەر پاكەتى دەپ اتالاتىن بولادى، ال ودان باسقا قىزمەتتەر — ساقتاندىرۋ پاكەتى رەتىندە قاراستىرىلادى، - دەدى ا. ءالنازاروۆا.

مينيستر قازىر وسى تىزىمدەردىڭ پىسىقتالماعانىنا بايلانىستى قارجى اعىندارىنىڭ دۇرىس بولىنبەي جاتقانىن اتاپ ءوتتى.

- مىسالى، ت م ك ك ك اياسىندا ونكولوگيالىق سكرينينگتىڭ ءبىرىنشى كەزەڭى قولجەتىمدى. ءبىراق ەكىنشى كەزەڭى تەك ساقتاندىرىلعان پاتسيەنتتەر ءۇشىن عانا قاراستىرىلعان. سوندىقتان مەملەكەت باسشىسىنىڭ تاپسىرماسى وسى تىزىمدەردى ناقتىلاپ، مەديتسينالىق قىزمەتتەرگە، اسىرەسە، دياگنوستيكاعا قولجەتىمدىلىكتى قامتاماسىز ەتۋدى كوزدەيدى. جىل سوڭىنا دەيىن ونكولوگيالىق سكرينينگتەر ءبىر پاكەتكە – ت م ك ك ك پاكەتىنە ەنگىزىلەدى. سونداي-اق، الەۋمەتتىك ماڭىزدى اۋرۋلار قاتارىندا تۋبەركۋلەز، ا ي ت ۆ، گەپاتيت، ينفەكسيا، ونكولوگيا جانە سيرەك كەزدەسەتىن اۋرۋلار بار. سوندىقتان 12 الەۋمەتتىك ماڭىزدى اۋرۋ بويىنشا دياگنوستيكانى كەزەڭ- كەزەڭىمەن 2027-جىلعا دەيىن بازالىق پاكەتكە قوسۋ ۇسىنىلادى، بۇل ونىڭ ساقتاندىرىلعان-ساقتاندىرىلماعانىنا قاراماستان قولجەتىمدى بولۋىن قامتاماسىز ەتەدى، - دەپ تولىقتىردى دەنساۋلىق ساقتاۋ ءمينيسترى.

بۇگىن ءماجىلىس ءتوراعاسىنىڭ ورىنباسارى دانيا ەسپايەۆا ۇكىمەت ساعاتىندا ادامداردىڭ مەديتسينالىق قىزمەتتەردىڭ كورسەتىلۋىنە قاناعاتتانۋ دەڭگەيى تومەندەگەنىن، م ءا م س- كە قاتىستى بەرىلگەن ناقتى ۇسىنىستار ورىندالماي وتىرعانىن ايتقان ەدى.

ءوز بايانداماسىندا دەنساۋلىق ساقتاۋ ءمينيسترى قازاقستاندا ءولىم ازايعانىن، ءومىر ءسۇرۋ ۇزاقتىعى ارتىپ، سالانى قارجىلاندىرۋ كولەمى ارتقانىن ايتىپ وتىر.

سونداي-اق، اقمارال ءالنازاروۆا مەديتسينالىق ساقتاندىرۋعا قاتىستى جاڭا زاڭنامادا قانداي وزگەرىستەر بولاتىنىن ايتىپ بەردى.

سوڭعى جاڭالىقتار