2025-جىلى كىمدەر جۇمىسسىز قالادى؟ جوعالىپ بارا جاتقان ماماندىقتار اتالدى
استانا. KAZINFORM - عىلىم جانە جوعارى ءبىلىم مينيسترلىگى قازاقستاندا جوعالىپ بارا جاتقان ماماندىقتاردى اتادى.
ۆەدومستۆو Tengrinews.kz سۇراۋىنا بەرگەن جاۋابىندا جاڭا ماماندىقتار اتلاسىن نەگىزگە العان. ونداعى اقپاراتقا سايكەس، جويىلىپ بارا جاتقان ماماندىقتارعا 16 ماماندىق جاتادى.
بولجام بويىنشا، 2025-جىلى قازاقستانعا بۇل سالادا تاماق ونىمدەرىن وندىرۋدە بۋىپ-تۇيۋشىلەر، جەم-شوپتەر بەرۋشىلەر، سۇرىپتاۋشىلار، ەت ونىمدەرىن ورايتىندار (قولمەن) جانە ەت ونىمدەرىن بۋىپ-تۇيۋشىلەر قاجەت بولمايدى.
قۇرىلىس
بۇل سالادا 2025-جىلى سىزباشىلارعا قاجەتتىلىك جوعالادى: 2030-جىلى - شاتىرشىلار، وقشاۋلاعىشتار جانە سىلاقشىلارعا، ال 2035-جىلعا قاراي - قۇرىلىسشى-مونتاجشىلار مەن ونىمەن بايلانىستى جۇمىسشى كاسىپتەردە.
تاۋ-كەن مەتاللۋرگيا كەشەنى
بۇل سالادا 2025-جىلى نورمالاۋشىلارعا، تەكسەرۋشىلەرگە جانە ۆيزۋالدى اقپارات جيناۋشىلارعا سۇرانىستىڭ بولماۋى بولجانادى. 2030-جىلى ليۋكشى، بۋلدوزەر ماشينيستەرى جانە سەپاراتورلار ماماندىقتارى وزەكتى بولمايدى.
