فۋتبولدان 2024 -جىلعى ەۋروپا چەمپيوناتىنىڭ ماسكوتى تانىستىرىلدى

نۇر-سۇلتان. قازاقپارات - UEFA رەسمي سايتى 2024-جىلى گەرمانيادا وتەتىن ەۋروپا چەمپيوناتىنىڭ ماسكوتىن تانىستىردى. دوپ دوداسىنىڭ ەرەكشە بەلگىسى رەتىندە ايۋ تاڭدالعان.

جارىستىڭ ماسكوتىن العاشقى تانىستىرۋ ءراسىمى گەلزەنكيرحەندەگى مەكتەپتىڭ بىرىندە وتكەن. ال UEFA رەسمي سايتىندا: «جارىستىڭ باستى تانىمبەلگىسى ⅩⅩ عاسىر باسىندا گەرمانيادا پايدا بولعان بالالاردىڭ ويىنشىق ايۋىنا قۇرمەت رەتىندە تاڭدالعان» - دەپ جازىلعان.

فۋتبولدان 2024-جىلعى ەۋروپا چەمپيوناتى كەلەر جىلدىڭ 14- ماۋسىمى مەن 14- شىلدەسى ارالىعىندا وتەدى. نەگىزگى كەزەڭدە 24 ۇلتتىق قۇراما باق سىنايدى.

قازاقستان قۇراماسى ىرىكتەۋ كەزەڭىندە 4 ويىن وتكىزىپ، 3 ىندە جەڭىسكە جەتتى. 9 ۇپايمەن «ن» توبىندا ەكىنشى ورىندا كەلەدى.