2024-جىلدىڭ 17- ناۋرىزىندا رەسەيدە پرەزيدەنت سايلاۋى وتەدى
فەدەراتسيا كەڭەسى پلەنارلىق وتىرىستا رەسەي فەدەراتسياسى پرەزيدەنتىن سايلاۋدى 2024-جىلدىڭ 17- ناۋرىزىنا تاعايىنداۋ تۋرالى قاۋلى قابىلدادى، ول رەسمي جاريالانعان ساتتەن باستاپ كۇشىنە ەنەدى.
Kazinform بۇل تۋرالى رەسەيلىك تاسس جاڭالىقتارىنا سىلتەمە جاساپ حابارلايدى.
- ر ف فەدەرالدى كەڭەسى رەسەي فەدەراتسياسى پرەزيدەنتىن سايلاۋدى 2024-جىلدىڭ 17- ناۋرىزىنا بەلگىلەۋ تۋرالى شەشىم قابىلدادى. قاۋلى رەسمي جاريالانعان كۇننەن باستاپ كۇشىنە ەنەدى، - دەلىنگەن قۇجاتتا.
شەشىم ءبىراۋىزدان قابىلدانىپ، وعان 162 سەناتور داۋىس بەردى.
فەدەراتسيا كەڭەسىنىڭ كونستيتۋتسيالىق زاڭناما جانە مەملەكەتتىك قۇرىلىس كوميتەتىنىڭ باسشىسى اندرەي كليشاس فەدەراتسيا كەڭەسى قاۋلىسىنىڭ كۇشىنە ەنۋى ءىس جۇزىندە سايلاۋ ناۋقانىن باستايتىنىن ايتتى. سونىمەن قاتار، سەناتور رەسەيدىڭ ورتالىق سايلاۋ كوميتەتى سايلاۋ كۇنىن بەكىتۋ تۋرالى شەشىم جاريالانعان كۇننەن باستاپ 10 كۇن مەرزىمنەن كەشىكتىرمەي كوپكۇندىك داۋىس بەرۋ تۋرالى شەشىم قابىلداۋى مۇمكىن ەكەنىن جەتكىزدى.
سايلاۋ زاڭناماسىنا سايكەس، سايلاۋ كۇنىن فەدەراتسيا كەڭەسى بەكىتەدى. پارلامەنتتىڭ جوعارعى پالاتاسى داۋىس بەرۋ كۇنىن سايلاۋعا دەيىن 100 كۇننەن ەرتە ەمەس نەمەسە 90 كۇننەن كەشىكتىرمەي بەلگىلەۋى ءتيىس.
